Ang giingon nilang private revelation

Ning panahon sa pandemiya daghan sa mga tawo ang buot mamahimong mga salvador del mundo. Tungod niini, dunay mga tawo nga ni-claim nga sila mismo dunay gahum nga nakapahimo nilang lahi gikan sa kadaghanan.

Tungod sa maong hitabo mahimong imaniobra ang gitawag nilang private revelation kun ang personal nga pagpadayag sa Dios, angel o santos ngadto nila.

Ang maong pagtuo usa ka dakong delusion sa hingtungdang medium.

Dunay mga hinungdan kun ngano ang usa ka tawo mag delusion og sama niini:

1. Ang maong tawo o biktima dunay traumatic experience labina kun siya nahimong biktima sa pang abuso.

2. Alang niya nahimo niyang nabuntog ang maong mga hitabo pinaagi sa pag auto suggest nga sila dunay special powers.

3. Ang paghupot sa personal nga pagtuo nga sila dunay special powers mao man ang paagi sa pagkab-ot sa respeto nga ilang gikinahanglan gikan sa ubang mga tawo.

Natural daghang mga tawo rong panahona ang dunay personal nga kakuryoso, ilabina kun maghisgot kita og bisan unsang mga misteryoso ug alleged nga mga supernatural.

4. Mahimo pud nga ang maong pagpaaron nga gikunsaran sa gahum nga laingitnon mamahimong paagi usab sa pagpanapi.

Diha sa paggamit sa ngalan sa Ginoo ingon nga maoy tuboran sa mensahe, nan, maikag gyud ang gisugo nga mohatag gyud kun unsay gidemand.

5. Kun kini pasagdan nan, mas mosamot kadaghan sa problema dili lang sa hingtungdan kondili hasta na usab sa palibot ug sa katilingban.

Ang Ginoo dunay mensahe sa gugma apan ang maong mensahe dili mahitungod sa panghadlok ug panghuraw.

Kay kun kini ang nahitabo nan, kana dili gikan sa Dios kun dili gikan na sa demonyo.