_banat
^

Banat Opinyon

Kinsay tinuod nga ungo?

LINTUNGANAY - Fred Languido - Banat

Taliwala sa nagpadayong tagnatagna kinsa gyud ang "ungo" nga gipasabot ni Konsehal Niña Mabatid nga maoy nagkontrolar sa mga kalihokan  sa Cebu City Hall, nakahigayon ko sa pagpangutana niya niadtong Biyernes sa dihang nahimo namo siyang bisita sa The Freeman Conversations.

Wala gihapon niya nganli atol sa akong interview kinsa ang iyang gipasabot. Apan makalingaw ang iyang tubag, bisan sa ka seryoso sa iyang mga pasangil, dihang akong gipangutana nganong ungo man gyud ang iyang nahunahunaan nga itandi sa maong opisyal?

Matud niya nga ang ungo gikahadlokan sama sa maong opisyal nga gikalisangan diha sa City Hall tungod sa iyang ka puderoso gawas nga literal kuno nga kahadlokan ni og hitsura.

Nahimuot ko sa iyang gisulti nga ang maong opisyal "bati og nawong" ug "dako og tiyan.”

Human sa among interview diha pa siya nitug-an kinsa gyud ang iyang gipasabot. Ug mokumpisal ko nga sayop ko sa una nakong gituohan nga posibling mao say gidudahan sa kadaghanan.

Way opisyal nga katungdanan nga gihuptan sa City Hall ang maong tawo apan giingon nga labihan niini ka suod ni Mayor Edgardo Labella.

Naghupot hinuon siya og taas nga katungdanan apan sa laing buhatan sa gobiyerno.

Matud ni Mabatid nga ang maong tawo maoy magbuot sa mga transaksiyon sa City Hall ug ang desisyon labaw pa kay sa mayor tungod kay bisan pa og pirmado na sa mayor mamahimo niini nga dili ipatuman.

Apan unsay nagpugong ni Mabatid nga ibulgar sa publiko kinsa ang "ungo" nga iyang giingon nga naghari-hari sa City Hall?

Nag-una niyang hinungdan mao ang kahadlok sa iyang siguridad. Nabalaka kuno siya unsay iyang dangatan tungod kay nasayod siya unsay mamahimo niining buhaton. Ikaduha, posible siyang palagputon sa ilang partido. Ug ang ikatulo, mamahimong dili na siya padaganon pag-usab ubos sa ilang grupo.

Sa akong pagkaila sa pamilya sa maong tawo, lisud tuohan ang kabalaka ni Mabatid sa iyang siguridad.

Wala man gidungog nga burokinto ang pamilya niini. Gani mas naila man nga "freedom fighter."

Tingali ang iyang kabalaka nga mawad-an siya og partido ug nga dili na siya ilakip sa grupo sa moabot nga eleksiyon maoy bug-at nga rason nganong nagdumili siya pagtug-an. Bisan matud niya wala siya paminawa ug nga nanghunaw na siya og kalambigitan sa mga palpak sa  kasamtangang administrasyon sa City Hall, apan way plano si Mabatid nga mopahawa sa ilang partido  ug modeklarar nga mag-independente.

Kun dunay delicadeza si Mabatid mas makatabang aron makabaton og kridibilidad ang iyang kawsa kun modeklarar siya nga mag-independente.Way kapuslanan nga magpabilin siya sa kampo ni Mayor Edgar Labella apan manghunaw og responsibilidad sa kapalpakan niini.

Kun sa iyang pagtuo wala masubay sa prinsipyong iyang gibarugan ang gihimo sa iyang mga kauban sa partido, unsa may naghawid niya aron magpabilin?

KINSAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with