^

Sa dihang gitay-og ang Croatia

MGA LAMAS SA KINABUHI - Fr. Rey Cui (Banat) - January 6, 2021 - 12:00am

Dili pa lang dugay gilinog ang Croatia kun wa ko masayop 6.4 magnitude sa Richter Scale.

Kusog kusog na gyud ni. Hinuon mas kusog tong sa Bohol kaniadto apan mao rang estoryaha gilinog ug gitay-og gyud.

Nisantop gyud dayon sa akong hunahuna ang mga esena sa 2012 nga salida. What if nasayop ang computation nia kay imbis 2012, 2021 ang katumanan! Simbako palayo!

Apan dili kini imposible kay ang nahisgutan mahimong mahitabo ug gani dinhi sa ato ginaingon nga hinog naman ang West Valley Fault. Posibleng mahitabo ang The Big One!

Nagkadaiya ang panahom sa mga tawo. Matud nila mahimong ang maong hitabo pahimangno gikan sa Ginoo nga hapit na gyud matapos ang kalibotan ug niabot na gyud ang adlaw sa panghukom.

Alang sa mga mahiligon sa science makaingon sila nga normal lamang kining mahitabo sa kalibotan o sa atong planeta. Dunay mga hitabo mokalit lang og tungha.

Gani, kinsay nagtuo nga ang mga dinasours milyon na ka mga tuig ang nilabay ang nangamatay gumikan sa asteroid nga nibangga sa atong planeta kanhi.

Karong tuig 2029 nagpaabot kita og laing asteroid nga kanato mobangga.

Ginganlan siya og Apophis. Kun mahitabo man gani kana, nan, impas tanang utang.

Sa akong yanong pamalandong, ang linog mahimong sabton nato ingon nga metaphorical gawas sa naandang pagsabot nato niini ingon nga usual event sa atong kalibotan.

Metaphorical tungod kay ang kinabuhi mismo usa man ka dakong dula. Dula tungod kay kita mismo mga sakop man sa mga entablado segun sa karakter nga atong gidala.

Matag usa gidapit aron mamahimong magmabungahon diha sa mga karakter nga pagadad-on. Ang tanan nahimong bida o dili ba kaha kontrabida sa kinabuhi.

Sa makadaghan gitay-og kita mismo sa mga tawo nga atong gisaligan nga atong mamahimong lig-ong sukaranan.

Mga tawo nga ang nakita mao lamang ang atong kasaypanan. Mga tawo nga buot motay-og ug dili mosuporta sa atong mga kalampusan.

Mga tawo nga nahimong biktima mismo sa ilang kaugalingong mga kahadlok ug pagpaaron nga tungod niini buot silang manlupig ug manglamang sa kadaghanan.

Kini sila ang mga tawong bantay salakay sa imong kaugalingong panaw. Apan bisan pa niana, angayan kang magmaigmaton diha sa imong pagpamulong kay daghang mga tawo ang nahimong maasikaso kaayo sa matag pulong nga imong pagalitokon.

Natural kay buot silang manlimbasog makita lamang ang imong sayop.

Diha sa pagtay-og kanato dili kita angayang mahadlok nga mahilukapa kun ugaling malisod alang kanato ang pagharong. Kay diha sa pagkataktak sa mga abog sa mga walay pulos nga mga tawo ug mga toxic nga kalambigitan, nahimong mas gaan ang atong pagbangon ug dili na hinay ang matag lakang nga atong pagahimoon. Kini tungod kay nahimong mas tunhay ang matag lakang nato nga buot pang mabuhi nga malinawon.

Niining bag-ong tuig, nakahukom ko nga mohilom ug mogahin og panahon alang sa kaugalingong kalamboan ug dili na magpunay og agad kun unsay ikasulti sa uban. Ang mahinungdanon wala tay tawong gitamakan ug gilupigan. Wala tay gihimong makaluluoy hinunoa duna tay gitabangan bisan pa man kun kining atong gipangtabangan mga tawong maluibon ug tampalasan.

Kinahanglang magmalig-on kita kay duna pay mga after shocks nga taliabot busa mag anad anad na lang ta.

CROATIA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with