Maternity leave
Dear Atty. Divine,
Nagtrabaho ko sa usa ka private company ug 2-months ko karong buntis.
Wa pa mi plano nga magpakasal sa akong boyfriend kay dili pa mi ready financially.
Ang akong pangutana kun maka avail ba ko sa Maternity Leave nga dili man ko kasado sa amahan sa bata?
Kun maka avail ko, pila man ka buwan ang akong maternity leave nga mapahimuslan sa ako unyang pagpanganak? Daghang salamat.
Jane
* * *
Dear Jane,
Basi sa Republic Act 11210 kon “ 105 -Day Expanded Maternity Leave Law” ikaw isip trabahante sa pribado nga kompaniya makapahimus ka sa 105 days nga maternity leave with full pay ug duna pa gyud kay option to extend it to another 30 days without pay.
Basi sa maong balaod, covered ang tanang empliyado gikan sa government ug private sector regardless of civil status or the legitimacy of her child.
Buot ipasabot nga makapahimulos ang tanang babaye nga empliyado niini bisan kun dili kasado. Kun mo-qualify sab ka sa pagka solo parent basi sa Solo Parents’ Welfare Act, maka avail pa gyud ka og additional nga 15 days maternity leave with pay. Thanks and God bless.
* * *
Alang sa inyong pangutana, ipadala lang sa Legal Corner sa Banat News sa V. Gullas Street, Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
