Wala kunoy pork barrel sa 2021 budget
IYO ANTOY - Antolin dela Serna (Banat) - October 23, 2020 - 12:00am

Maayo kon matinuod. Usahay ra ba, mangita ni sila’g mga paagi nga makapanghilabot gihapon sila sa appropriation, apan dili lang nganlan og pork barrel.

Kitang mga senior citizen, dugaydugay na kitang nakasaksi niining pork barrel nga gahin alang sa mga sakop sa Kongreso. Hangtud nga kini na-kontrobersiya, ug nahilom ang pork barrel.

Si Speaker Lord Allan Velasco, nagkanayon: “The P4.5-trillion national budget passed by the House of Representatives Friday is free of pork. We make sure that this is a constitutional budget based on the decision of the Supreme Court. We are all lawyers here and we are making sure that there is no ‘pork’ in the said budget.”

Salamat, Lord. Mipasalig usab si Velasco nga walay mga insertions nga mahitabo panahon nga kini ma-review ug pagahimuon nga mga amendments.

Sa iyang bahin si Senador Panfilo Lacson mipahinumdom sa Constitutional provision nga nagkanayon:  “Upon the last reading of a bill, no amendment thereto shall be allowed.”

So, kon tumanon ni, wala nay amendments, ug wala nay insertions. Kay tapus sa ikatulong pagbasa kon third and final reading sa proposed budget, isunod dayon ang pag-imprinta niini, ug wala nay mga amendments.

Anyway, ato na kining nahisgutan dinhi, unsa man ning pork barrel? Unsa may nakangil-ad niini?

Ang pulong ‘pork barrel’ nag-sukad pa o nag-origin kini sa tuig 1909. So dugay na gyud kaayo. Sa ato pa, dili kini bag-o nga practice sa atong mga magbabalud.

Giingon dinhi, atong kutluon kining usa ka sinuwat (nakalimot nako kinsay atuthor niini): ”The term ‘pork barrel politics’ usually refers to spending that is intended to benefit constituents of a politician in return for their political support, either in the form of campaign contributions or votes.”

Originally, imong paminawon, dili ngil-ad ang ‘pork barre.’ Tuyo niini nga maka-benefit ang mga constituents sa usa ka politiko, silbing sukli sa pag-support kaniya o pagbotar kaniya. So, dinhi, dili ngil-ad ang pork barrel.

Unsa may nakangil-ad niini, nga giyam-iran na man kini sa maong mga constituents nga alang man unta kini kanila? Nasayod kamo sa tubag niini.

Dugang pa: “Typically, ‘pork’ involves funding for government programs whose economic or service benefits are concentrated in a particularly area but whose costs are spread among all taxpayers.”      Pangutana: Sa atong experience, niabot ba gayud ngadto sa mga taxpayers, suma sa giingon dinhi,  ang pork barrel nga gipaagi sa atong mga magbabalaud? Kamo na lay tubag niini.

Originally, ug literally, ang pork barrel usa kini ka container, usa ka barel ngasudlan o i-store ang karne sa baboy nga inasinan. Mao kini ang ilang refrigerator sa ilang panahon, pag-preserve sa inasinan nga karne.

Panahon sa mga ulipon, “the slaves would gather around the pork barrel for a handout. The slaves owner would put the pork barrel out to watch the slaves fight over their share. “ So, niadtong mga panahona, wala pay labut sa pamolitika ang pork barrel.

Mahimo baya tingali nga atong ibalik ang pork barrel, apan kinahanglan i-liquidate o mo-render sila’g accounting up to the last centavo kon diin paingon ang kwarta. Mahimo kaha ni sa halangdon   natong mga magbabalaud?

2021 BUDGET
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with