Dungganon
LINTUNGANAY - Fred P. Languido (Banat) - August 30, 2020 - 12:00am

Taliwa sa kalibotanong pandemiya sa COVID-19, gipahibawo sa primero ministro sa Japan nga si Shinzo Abe ang iyang pagluwat sa katungdanan.

Matud sa 65 anyos na nga si Abe, nibalik ang iyang sakit ug dili makiangayon alang sa mga molupyo sa Japan nga magpadayon siya sa katungdanan bisan apektado ang iyang panghuna-huna ug disisyon tungod sa balatian nga iyang gihambin.

Si Abe dunay sakit nga "ulcerative colitis" o  paghubag sa dakong tinai o colon tungod sa ulcer o samad.

Duna pa unta siyay usa ka tuig sa katungdanan sa dili pa mapupos ang iyang termino sa Septembre sunod tuig.

Apan mas gipili ni Abe nga mokanaug sa pwesto ug itugyan sa mas takos ug baskog nga lider ang pagdumala sa ilang nasud. Kini maoy kinaiya sa usa ka lider nga dungganon ug tinuod nga naglantaw sa kaayohan sa iyang nasud ug sa kinabag-an.

Tungod sa gihimo sa lider sa Japan dili kalikayan ang pagtandi  sa atong mga opisyal labi pa nga bag-ohay lang miangkon si Presidente Rodrigo Duterte nga ang iyang sakit sa tutunlan hapit na mahimong cancer.

Ang pag-angkon ni Duterte atol sa usa ka televised address iyang gihimo pipila ka adlaw human ang iyang tigpamaba mupahibawo nga ang presidente mipaubos sa iyang kaugalingon sa "perpetual isolation."

Kun ang usa ka lider dili nang makabuhat sa naandan niyang gimbuhaton ug responsibilidad o ba kaha limitado na ang iyang paglihoklihok tungod sa kakulian sa panglawas, haum ug mas dungganon ang pagkanaog sa pwesto.

Mao ni kinaiya sa mga hapon nga wala sa atong mga lider. Makasina ang gihimo ni Abe tungod kay dinhi sa atong nasud duna man tinuoy mga opisyal sa gobyerno nga mangresign tungod sa sakit apan napugos lang tungod kay nag-atubang og imbistigasyon sa pangurakot.

Gigamit nga rason ang sakit sa pamasin nga makuha og simpatiya sa publiko ug mapasaylo sa pagpangawkaw nga ilang nahimo.

Dunay uban bisan labihan pa ka baskog apan mokalit lang og kamasakiton kun madakpan aron makalikay sa prisohan.

Pila naba ka opisyal sa atong gobyerno ang nagpalaban og wheelchair dihang guyoron na unta aron ibanlod sa bilangguan?

Karong bag-o ang presidente PhilHealth nga si retired general Ricardo Morales takwahaw lang dunay cancer dihang nabisto ang mga anomaliya sa ahensiya.

Ug inay tangtangon sa pwesto gihatagan hinuon og "graceful exit" sa Malacañang pinaagi sa pagparesign kaniya.

Dili angayang gamitong rason ang sakit ni Morales aron molukak ang gobyerno sa mga anomaliya nga angayan niyang tubagon tungod kay mga masakiton sab nga membro sa Philhealth ang naargabyado sa binilyon ka pisos nga nahanaw gikan sa panudlanan sa Philhealth.

DUNGGANON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with