Darth Vader ug ang facemask
MGA LAMAS SA KINABUHI - Fr. Rey Cui (Banat) - August 11, 2020 - 12:00am

Maayo ug may potential ang padawan nga si Anakin Skywalker apan sa dihang naghinobra ang iyang attachment ngadto sa iyang hinigugma nga si Padme Amidala mas nahimo siyang vulnerable sa mga malinlahong pangilad ni Senator Palpatine ang Sith Lord.

Nagkasangka gyud sila ni Obi Wan Kenobi, iyang master, ug napildi siya niini.

Hapit gani siya mamatay sa maong panagsangka apan sa kaulahian naluwas siya sa iyang bag-ong master nga si Palpatine ug nahimong Lord Darth Vader.

Tuod man sa dihang nahimo siyang Lord Darth Vader sige na lang siya og sul-ob sa mask nga may oxygen kini aron siya magpabiling buhi ug dili mamatay gumikan sa iyang nahiagoman sa dihang nakig-away siya ni Obi Wan.  Ang iyang apo nga si Kylo Ren ang gihimo siyang idolo  mao nga mahilig pud kini og mask aron tagoan ang kaugalingong nawong niini bisan kun nakig-atubang pa kini sa babaye nga si Rey.

Sa laktod may gitagoan siya nga dili niya buot mamantala kalabot sa iyang kaugalingong kahuyangan ug kahadlok.

Sa panghitabo karon nahimong kabahin na gyud nato ang facemask. Gidid-an kita paggawas nga way facemask ug ang facemask, face shield ug uban pa gihimo naman nga requirement gani bisan diha sa atong pagbiyahe.

Lisud na gyud kaayo ang panahon karong mga higayona. Hangtud asa man kita molahutay bugtong panahon lang ang agdon ug bugtong Dios lamang ang nasayud.

Ang nakasakit niini mao nga dunay uban nga nipahimulos gikan sa hataas ngadto sa ubos mao tingali nga bisan unsaon nato og kamas daw halayo sa matuod ang paglampos.

Kay dyotay na lamang ang mga tawo nga naghunahuna dili lang sa ilang kaugalingon kondili naghunahuna usab sa kadaghanan ug kaayohan sa kinabag-an.

Balik kang Darth Vader. Ning panahona dunay mga susama kaniya. Mga tawo nga migamit sa ilang gahum diha sa pagpanghadlok sa uban.

Nagtuo tingali sila nga ang ilang pagpanghuraw sa atong tinguha makapaugdaw.

Gamhanan man tuod sila karon apan moabot ra gihapon ang panahon nga mismo ang ilang kahakog sa gahum maoy modala kanila ngadto sa pagkawalay nahot.

Kay si Darth Vader mismo sa dihang nakita niya ang iyang kaugalingon diha sa bayhon sa iyang anak nga si Luke nahimong nausab na ang iyang kinabuhi. Kun angkunon lang gyud nato nga kita dunay kahuyangan hayan dunay kausaban.

ANAKIN SKYWALKER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with