Unsa gyu'y tinuod?
RENBOR PATROL - Rene U. Borromeo (Banat) - August 8, 2020 - 12:00am

Nasabtan na nako kon ngano nga ang atong kagamhanan migamit sa Rapid Anti-Body Testing pag-ila kon kinsa kadtong natakboyan og Coronavirus Disease.

Gibasa nako pag-ayo ang katin-awan sa kadagkoan nato sa Department of Health (DOH) nga nagpasabot kabahin sa nakontrobersyal nga Rapid Anti-Body Testing kay wa kuno’y kapuslanan.

Nahinumdom ko nga dinhi sa ato, gisaway pag-ayo sa katawhan si Secretary Mike Dino, ang presidential assistant for the Visayas, kay mao kuno ang nagpasiugda pagpamalit sa kontrobersyal nga mga test kits sa Rapid Anti-Body Test.

Human nako mabasa ang report sa DOH, nakaingon nga mora’g nasayop diay ang katawhan nga misaway ni Dino, nga maoy nakig-coordinate sa mga mayor sa Mandaue, Lapu-Lapu ug Cebu, aron mahimo ang rapid testing.

Ingon niini man gud diay. Ang test kits sa Rapid Anti-Body Test mas barato ra gyud kaayo kon itandi sa kantidad sa Swab Test Kits. Halos kapila pil-a ang kantidad.

Tinuod, ang Rapid Anti-Body Test igo lang mohatag og indikasyon nga ang usa ka tawo, posible nga natakboyan og COVID-19, ug kinahanglan pa siya nga kuhaan og swab test.

Apan kon diretsohon nato nga ang tanang tawo, gamitan dayon nato og swab testing, pwerteng dakoa sa magasto sa kagamhanan? Ang gihimo karon, mao nga kadtong masuta pinaagi sa Rapid Anti-Body Test nga may timailhan nga sila natakboyan og COVID-19, kadto ra sila ang i-swab test.

Ang uban nga ma-negative na sa rapid test, aw dili na i-swab test ug nakadaginot na ang kagamhanan. Sa ato pa, luoy diay kaayo nga si Dino napasanginlan ra hinoon nga nagpaganansya pagpalit og swab test.

* * *

Usa ka higala nako nga opisyal sa Malacañang, miingon nga mao diay nga bisan og giunsa pagdaut si Dino sa iyang mga kontra, wa gyud kini tuohi ni Presidente Duterte.

Ang report nga miabot sa Malacañang, nga tingali wa mahibaw-i sa kadaghanan dinhi sa Cebu, nga ang foundation nga gipanag-iya sa pamilya ni Dino, ang Christina Lee Dino Foundation, mihatag pa gani hinoon og tulo ka PCR Machines aron gamiton pag-examine sa mga blood samples aron masuta kon may Covid ba ang usa ka tawo.

Duha niining mao nga PCR Machines anaa gihatag sa Vicente Sotto Memorial Medical Center ug ang laing usa, didto gihatag sa Eastern Visayas Regional Medical Center Laboratory sa Region 8.

Giingnan ko sa amigo nako nga opisyal sa Malacañang nga karon, si Dino hilom na lang nga mitrabaho direkta ngadto sa opisina ni Presidente Duterte nga wa na magpa-media kay daghang nasuya kaniya.

Nangutana ko kon kinsa man ang nasuya ni Dino, ug nakurat ko kay ang uban kuno mga kaalyado ra sa ilang grupo nga wala makakuha og bentaha atol niining pandemic crisis.

TINUOD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with