Ikatulog na lang na
MGA LAMAS SA KINABUHI - Fr. Rey Cui (Banat) - August 7, 2020 - 12:00am

Kini ang gisugyot kanako sa batan-on nakong higala. Nangutana siya kun nganong daw sa nagluya ko. Ako siyang giingnan nga daghan kaayo ko og gihunahuna nga mga butang.

 Nagkanayon siya nga mas maayo pa nga matulog na lang ko aron kuno makapahuway ang akong utok. Nakapahuway tuod ko apan dunay laing hulagway nga nilutaw diha sa akong damgo. Kini ang nahitabo sa akong damgo:

Gigutom ko pag-ayo niadtong tungora. Adunay mga pagkaon apan ang problema mao nga anaa ko sulod mismo sa bilanggoan nga nag-inusara. Makuot nako ang pagkaon kay duol ra man samtang sa unahan anaa ang yawe ug mahimo nakong sungkiton ginamit ang lipak nga nasandig kilid sa bilanggoan apan mas giuna nako ang pagkaon! Ning tungora nakita ko ang ulo sa atong Ginoo nga gilansang sa Krus nga nagbitay atbang sa gibilanggoan kanako. Nahigmata ako sa maong damgo mga alas tres na sa kaadlawon! Dungan niini ang pag-uwang sa mga iro.

Akong gisuwayan og interpret ang akong damgo.

1. Ang gibilanggoan kanako ang nisimbolo sa akong kabalaka ug kahingawa nga maoy nibilanggo kanako aron ako mamahimong gawasnon na gyud sa hingpit.

2. Ang pagkaon mao ang gipangandoy nga mga butang o kasinatian nga maghatag og katagbawan kasagaran sa lower appetites ingon nga tawo.

3. Ang yawe mao ang pamaagi o dalan nga makapalingkawas kanako gikan sa maong pagka bilanggo.

4. Ang krusipiho nisimbolo sa kang Kristong sukaranan ug ang hagit sa ebanghelyo apan nilingo lingo siya kay mas gipili ko ang bisan unsang kalibutanon kaysa bisan unsang langitnon.

Sa atong kinabuhi ning panahon sa pandemiya kasagaran nato ang nahimong binilanggo tingali in a literal sense.

Literal sense tungod kay gidid-an man gani kita sa paggawas sa atong pinuy-anan tungod ining coronavirus.

Daghan nato ang nangindahay nga mamahimong komportable sa tanan natong pagahimoon dili lang sa atong kalan-on kondili sa bisan unsa nga makatagbaw sa atong lawasnong panginahanglan mao nga daghanan nato ang nagkadusingot pagpangita sa bisan unsa nga makatabang nato alang sa atong survival.

Apan imbis mahigmata kita sa buhing kamatuoran nga angayan kitang manlimbasog dili lang sa atong kaugalingon kondili usab alang sa kinabag-an mas gipalabi nato ang atong kaugalingong kahilig butang nga pagayam-iran sa atong Ginoo ug milingo lingo siya sa dakong pagsupak sa mga panghitabo karon.

Daghan nato ang nahimong mga binilanggo dili tungod kay naa kita sa sulod rehas nga puthaw daghan nato ang binilanggo tungod kay gipili natong maulipon sa atong kinaugalingong panghunahuna sa way igong pagpakabana sa uban.

Sa laing bahin, atong iampo ang Beirut gumikan ning pagbuto nga nahitabo didto mismo sa ilang pantalan.

BUTANG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with