Singgit sa kakutas
JAV, BANATI! - Javier Tapulado (Banat) - August 7, 2020 - 12:00am

Tanang butang, hayop ug tawo adunay iyaiyang limitasyon sa kapasidad nga anaa kaniya. Ang biseklita nga gidesayin para sakyan lamang sa usa ka tawo, mausab ang dagan kon angkasan pa kinig lain.

Samot nag kargahan pag dugang sakay. Dili lang magbaguod pagtindak ang magmaneho, mobuto pa gayod ang ligid nga goma.

Ang mga sakyanang de makina: motorsiklo, kotse ug uban pa, kon imong abusohon ang paggamit niini without proper love, care and maintenance, mopalyar gyod kini ug dili na moandar.

Ang mga health workers ug front liners pa kaha, kinsa molima ka bulan na hapit ang gidugayon sa padayon nilang pagpakigharong sa COVID-19 aron lamang masalbar sa daghang kinabuhi nga nangaigo?

Ubay-ubay na kanila ang naalaot sa pagpakiggubat. Nagkadiyotay na sila samtang ang tabangonong gipangbiktima ni COVID-19 padayon ang pagdaghan.

Busa, mabasol ba atong mga doktor ug health workers sa Manila sa ilang pagsiyagit-hangyo og: “Time out!” kay hapit na sila mahutdig hangin sa pagpakig-away?

Angay ba silang kasuk-an sa emotional outburst nga ilang gipabuhagay sa publiko kang kansang tumong aron lamang mahatagag dinaliang aksiyon sa atong kagamhanan ang ilang giyangongo?

Hinuon, sa habig sa Malakanyang, makapahiubos sab ang gihimo sa naasoyng health workers. Unta, giderikta nila pagladlad ang ilang gihambing yangongo bisan pinaagi na lang og formal letter to the Office of the President.

Ang pait, kay wala pa gani maabot sa Malakanyang ang sulat, gibukhad na daan atubangan sa publiko.

Dili maayo. Dapat ang para sa Presidente iyaha ra gyod. Ug nungkang ang confidential executive letter ipubliko. Unya plastaran pag plakards, aw, ma-misinterpret gyod sa palasyo. Kay ang hangyo panguhit nahimo na man hinuong isa protesta tan-awon.

Pinangga ni Duterte ang tanang health workers ug frontliners. Gisaludohan niya sila isip mga bayani sa nasud.

Nabati niya ang singgit sa kakutas nga ilang gidirekta sa pagpalanog ngadto sa publiko. Ug bisag nagdugo ang kasingkasing, mipatigbabaw ang gugma sa iyang pagka-amahan.

Gikan sa GCQ, gipaubos ni Tatay Digong ang Metro Manila, Bulacan, Laguna, Cavite ug Rizal ngadto sa MECQ sugod Agost 4 hangtod Agosto 18, agig tubag sa ilang singgit sa kakutas. Mao kini ang kinaiya ni Duterte.

Kaantigo masuko, pero makamao pong maluoy.

SINGGIT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with