EDITORYAL - Estratehiya kinahanglang usbon?
EDITORYAL - Estratehiya kinahanglang usbon?
(Banat) - August 4, 2020 - 12:00am

Magsilbi untang pagtulon-an sa tanan ang pagpabalik kaniadto sa Cebu City sa enhanced community quarantine niadtong Hunyo tungod sa pagsaka og balik sa mga kaso sa novel coronavirus disease.

Ang Metro Manila kagahapong adlawa gibalik ni Duterte sa modified ECQ tungod gihapon sa pagbalik og saka sa mga kaso human sila gibutang nalang unta sa GCQ.

Nagpasabot kini nga bisan unsang orasa mamahimong mobalik sa mas lisod nga kwarantina ang lugar kun magpasagad ang mga tawo ug labaw sa tanan ang mga lokal nga mga opisyal sa ilang pagtuman sa health protocols.

Sa kaulohan dunay grupo sa mga doktor nga nanawagang ibalik sa ECQ ang ilang lugar tungod nisaka og balik ang mga kaso. Gipangkapoy na sila sa kadaghan sa mga bag-ong pasyente kada adlaw ug gusto sab sila og time out. Makalibog lang kay duna say grupo sa mga doktor ang miingon nga dili sila pabor sa “Duterte-style quarantine” nga gigamitan og sinundalong sistema.

Gusto sab nilang ipatangtang ang mga kanhi heneral ug ang mga gipangtudlo nga daghang COVID-19 ‘czars’ nga mga sakop sa Inter-Agency Task Force on Emerging Infectious Disease nga mga way kabangkaagan sa medisina ug health care sa nasud ug ilisan og mga medical professionals.

Gusto sab nila nga rebisahon sa gobiyerno ang estratehiyang gisagop karon batok sa COVID-19 ug mihatag og mga sugyot nga kausaban.

May punto pareho ang duha ka pundok, tinuod kinahanglang mo-time out sa mga medical professionals, ug way laing mas daling ipatuman mao ang paghigpit sa quarantine.

Tingali maayong tan-awon ni  Duterte ang ilang mga sugyot, time-out una dayon paspasan ang pagrebisa sa estratehiya sa terminong pinasubay sa siyensiya ug medisina tungod kay kini pandemiya.

Angay panangtangon ang mga way kabangkaagan sa medisina sa mga importante kaayong katungdanan diha sa IATF ilabi na pag-abot sa paghimo og mga desisyon.

Apan kinahanglang ipabilin ang mga heneral tungod sa ilang maayong liderato ilabi na sa higpit nga pagpatuman sa mga quarantine protocols kun irekomendar sa mga doktor.

USBON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with