Tuob twist
JAV, BANATI! - Javier Tapulado (Banat) - July 17, 2020 - 12:00am

Nanglupad ang nagkadaiyang reaksiyon human mipahibalo sa sinugdanan ang Cebu City Hall nga mipalit kuno silag 1000 ka tuob kits, tag P2,500 ang usa, nga mobalor og P2.5M ang tanan nga giapod-apod ngadto sa COVID-19 asymptomatic patients sa kanhi mga barangay isolation centers.

Adunay mikomentaryo, nga bisan kuno ning panahon sa pandemiya nga nakapabulhang sa panudlanan sa gobiyerno, may mga kadagkoan pang nakaako pagtaod og agianan sa kuwarta paingon sa ilang bulsa.

“Haskang paita! Maayo gyod kaayo ni sila mangitag paagi, uy!” Sagad panghupaw sa mga mabinantayong netizens. Ug mabasol ba sila sa pagpahungaw sa kalangsi nga ilang napanimahoan?

Hinuon puwerting panghunaw ni Mayor Edgar C. Labella ning maong isyu. Matud niya, wala siyay kalibotan niini. Wala siyay kasayoran sa pagpamalit niini. Ug kon ugaling aduna man, dili gyod mobayad ang siyudad sa Sugbo.

Makahibulong. Si Labella ang punoan sa City Hall. Unya, wala siya mahibawo unsay gibuhat sa iyang mga sanga, dahon o bunga? Nga gani, kon masugsog ang tudlo o bisan asang bahin sa atong lawas, mabati man nato nga dunay something wrong?

Nagpasabot ba kini nga wala siyay attachment sa tanang sakop niya? Hinungdan, nga kada adunay kasikas nga mahitabo, ang kadali ra niyang makaingon, nga ‘akong paimbestigahan’?

Isip maoy punoan, unta ikaw ang unang masayod unsay nahitabo sa tanang bahin nga nahatipik sa imong lawas. Diin, ultimong pagkiay sa imong udlot, masayod ka nga ang hangin milabay na. At least, kon may mangutana unsay nahitabo sa imong palibot, dihadiha, maistoryahan.

Sobra kainit ang nag-aso-asong isyu sa gikuwestiyong tuob. Makapasog nawong. Makahugno sa moralidad.

Maayo na lang, kay napangitaag paagi ni City Legal Officer Rey Gealon unsaon pagpalong ang kalayo nga padulong nang mosilaob.

Siya namahayag, nga gidonar sa wala nagpailang supplier ang nakontrobersiyal nga 1,000 ka tuob kits. Iyang giklaro, ang siyudad walay gasto niini. Busa, no harm done. Kuno!

Sa iyang gibubo nga pagpasabot aron hugasan ang hugawng hunahuna sa mga kritiko, tingale milampos si Gealon pag-twist sa tuob controversy.

Gikang nagkalapok, iya kining nalimpiyohan.  Apan ang pulong nga nabuhian na, dili na mabalik.

 Sama, nga kon ang samad maalim man tuod, pero ang uwat magpabilin sa kasingkasing sa katawhan.

TWIST
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with