Pagbudhi sa kawsa sa mga mamumuo
LINTUNGANAY - Fred P. Languido (Banat) - July 12, 2020 - 12:00am

Labing minus 10 mil ka mga trabahante sa ABS-CBN ang gipaabot nga wa nay trabaho human gibasura sa Kongreso ang renewal sa ilang prangkisa.

Dugang ni sa gatusan ka libo na nga mga trabahante nga nawad-an sa ilang trabaho tungod sa paghunong sa operasyon sa ilang mga kompaniya sukad miigo ang pandemya dinhi sa nasud.

Ang mga trabahante dako og papel sa pagpalihok sa ekonomiya sa nasud.

Obligasyon sa gobyerno ug sa mga opisyal niini ang pagsiguro nga dunay igong gidaghanon sa trabaho alang sa iyang katawhan aron pagpalambo sa ekonomiya.

Apan subo nga palandungon nga sa nahitabo sa higanteng network sa telebisyon, ang gobyerno pa mismo ang nahimong instrumento aron kulban sa ilang mga kaldero ang libuan ka mga trabahante.

Basi sa mga argumento nga gipresentar atol sa pagdungog sa House committee on legislative franchises, dili ikalimod nga dunay mga kakuwangan ang kompaniya.

Apan dili ni igong rason nga hikawan sila sa renewal sa ilang prangkisa ug piyungon sa gobyerno ang iyang mga mata gikan sa kamatuoran nga daghang pamilya ang masakripisyo.

Ang pamilya sa 10 mil ka mga trabahante nga nawad-an og trabaho apil sa responsibilidad sa atong gobyerno.

Kun dunay mga kalapasan nga nahimo ang ABS-CBN sa ilang prangkisa sama sa wala pagbayad og hustong buhis, ang angayang gibuhat sa gobyerno mao ang pagpaningil nila ug dili ang pagpasira. Mao ni rasonable nga lakang nga angayang gihimo sa gobyerno.

Apan dili kang kapaabot nga mopatigbabaw ang rason kun politika na ang mopasuwabi.

Sukad sa pagsugod sa administrasyon ni Presidente Rodrigo Duterte daan na siyang nanganti nga pasirad-an gyud ang network.

Personal ug politika ang rason ug nasayod ang publiko niini. Subo lang nga huna-hunaon nga tungod sa pagpasuwabi sa politika nasakripisyo ang inosente nga mga trabahante.

Ug ang labing dakong eskandalo nga nahitabo mao nga lakip ang representante unta sa labor sector didto sa Kongreso nga atong gipaabot, labaw kay ni bisan kinsa, molaban sa interest sa mga mamumuo, nahimo man hinoong kabahin sa pagtuok kanila.

Si TUCP Partylist Raymond Cañete Mendoza usa sa 70 ka mga kongresista nga mibotar aron dili i-renew ang prangkisa sa ABS-CBN.

Kun dunay kaikog si Mendoza sa mga apektadong mamumuo, ang angayan niyang gihimo mao unta ang pag-abstain.

Ang iyang gihimo maisip nga dakong pagbudhi sa kawsa sa mga mamumuo nga maoy nagbutang niya sa Kongreso.

MAMUMUO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with