Mao na ni
AMBOT LANG - Gerry Auxilio (Banat) - July 9, 2020 - 12:00am

Moundang na kuno sa ilang trabaho ang mga nurse samtang ang uban naglaraw sa pagbiya sa ilang trabaho nga dili na mananghid tungod sa kahadlok sa wala pa nila mahibaw-i o masayri nga mao kini karon ang miturok sa ilang mga huna-huna.

Daghan og gikahadlokan ang mga nurse tungod kay ilang nakita nga gitagsa-tagsa na sila sa pagpahagba sa coronavirus disease o COVID-19. Mao ni ang atong nahibaw-an gikan ni Dr. Joseph Stephen Descallar, ang Presidente sa Philippine Nurses Association-Cebu Chapter.

Apan ang kahadlok sa mga nurse sa COVID-19 dugang lamang kini sa ilang suliran ug pagkadismaya sa gobyerno tungod kay wala kini magpatalinghog ug pabilin kining nagpakabuta-bungol sa ilang kahimtang nga gipahimuslan sila og maayo sa ilang mga employer ma-gobyerno man o ma-pribado nga mga tambalanan o panimalay.

Ang kahadlok sa mga nurses sa COVID-19 dugang na lamang kini sa ilang suliran sa ka gamay sa suweldo ug kakuwang sa mga benepisyo nga ilang nadawat gawas pa sa ka taas sa oras sa ilang pagtrabaho.

Mao na ni. Dili bag-o nato ang suliran nga gireklamo sa mga nurse. Gani kining maong suliran anaa na kanila sa wala pa moabot dinhi sa Pilipinas ang coronavirus disease 19.

Ang suliran nga wala matagad bisan pa man og nakita na kini sa gobyerno mao unya ang hinungdan nga wala nay mahabilin nga nurse dinhi sa Sugbo ug sa tibook nasud.

Apan kun mahitabo man ugaling kini, ato laman nga pahinumduman ang mga nurse sa ilang mga gipanumpaan ug nakat-onan sa ilang pagtuon nga ikaduha lamang ang salapi sa ilang propisyon kay ang nag-una mao man ang pag serbisyo.

Mao na pod ni seguro ang panahon nga dunggon ug atimanon na sa gobyerno ang suliran sa mga nurse.

MAO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with