Ang lakaw matag Domingo
MGA LAMAS SA KINABUHI - Fr. Rey Cui (Banat) - July 7, 2020 - 12:00am

Dinhi sa Parokya ni San Jose gihimo namo ang naandang lakaw matag Dominggo.Tumong ug tuyo niini  mao nga maka-exercise intawon kami. Human sa lakaw isunod dayon ang Zumba dayon panihapon nga kasagaran pospas lang og shake.

Human niana hayahay na kaayo ang pamati. Lipay na kaayo ang kada usa sa dili pa mopahuway.

Maayo gyud unta kun kini apilan pud pohon ang pag-ampo ingon nga cooling off sa dili pa manihapon. Dili ba cool?  Hopefully, mahatagan og katumanan kining maong tinguha.

Ang kinabuhi usa gyud ka panaw gikan sa pagkahimugso ngadto na sa tagsatagsa nato ka mga kamatayon. Apan sulod sa maong panaw daghanan kanato ang buot gyud og paspas ug dali. Daghan nato ang dili buot sa hinayhinay nga proseso.

Hinuon kini man gud ang gipahigmata kanato sa atong mga ginikanan labina gyud  karong mga higayona diin buot sa matag ginikanan nga mahatagan og bisan unsang tarong ang ilang mga anak aron lagi mamahimong komportable kini halos sa tanang aspeto.

Apan ang kinabuhi kun buot hunahunaon dunay kahimayaan ug kasakitan. Bisan pa og unsaon nato anaa gyud ang elemento sa pagsakripisyo. Kay ang pagsakripisyo maoy pahinumdom nga sa tanang mga lakang nga atong pagahimoon kinahanglang seryoso kita niini. Kun kita seryoso sa tanan nga atong pagahimoon, nan, atong mahatagan og bili ang matag paningkamot ingon man, kini magdasig kanato sa pagtahud sa paningkamot sa uban. Kini ang angayan untang palipangon sa matag usa.

Apan kadaghanan kanato nisud-ong man sa kalibutan ingon nga dakong hawanan sa pagpasiatab sa atong mga naabot. Mao nga dunay tatak ang matag usa ingon nga malampuson o dili ba kaha palpak.

Balik sa among lakaw lakaw matag Dominggo. Daghan ko og nakita ug nalantawan. Apil na niini ang posibilidad nga mas mapalambo pa ang luna kun ang matag tawo mohimo lamang og pagtampo diha sa pagkamamugnaon, dili tungod kay magpasigarbo kondili tungod kay buot lamang magpasalamat sa Dios sa gasa nga gihatag.

SAN JOSE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with