Korapsiyon ug moralidad
AMBOT LANG - Gerry Auxilio (Banat) - June 9, 2020 - 12:00am

Hapit na moabot sa duha ka gatos ang mga opisyal sa barangay lukop nasud ang gipasakaan og kaso tungod sa korapsyon sa pagpang apod-apod sa social amelioration nga salapi ngadto sa mga naapektohan sa coronavirus nga sakit. 

Ang korapsiyon mahulagway nato nga simtomas sa lebel sa lata nga moralidad nga miputos na sa katilingban sa Pilipinas. Ang katilingbang Pilipinhon nalumos na kini sa mentalidad nga hakog nga nagmugna og way hunong nga panginahanglan sa paggasto ug pagpaginansiya.

Ang posisyon ug gahum nga nahuptan sa mga anaa sa poder gihimo nilang yawe sa pagkuha sa kaayohan nga para unta sa katawhan apan nakabig ngadto sa personal nga interest.

Ang karambola sa pagkuha sa gahum dinhi sa nasud dili na tungod sa kaikag sa pagtabang ug pag-alagad kun dili tungod na kini sa kaikag sa pagpanglimbong ug pagpangawat.

Ang kausaban sa pamunoan wala moresulta sa kausaban sa pagminus o pagwagtang sa lebel sa korapsyon. Siguro tungod kay gihimong komplikado sa mga kontra-korapsyon ang terminong korapsyon ug na-immune na usab ang katawhan sa pulong korapsyon.

Ang mensahe sa mga kontra-korapsyon nahimong komplikado tungod sa kadaghang termino nga gigamit sa paghulagway sa korapsyon sama sa pagpanglimbong, pagkalugi, dili maayong pagpadagan sa panalapi sa gobyerno ug uban pa.

Dili ni masabtan sa yanong katawhan. Busa nganong dili naman lang ingnon nga ang korapsyon pagpangawat ug pagpanglimbong?

Ang lata nga moralidad sa mga nagdala sa renda sa gobyerno, ang huyang nga institusyon tungod sa pinalitay sa eleksyon, padrino nga sistima ug pagpalit sa hudikatura ang nakatampo og dako sa paglipang sa korapsyon bisan pa man sa pagpangugat sa administrasyong Duterte sa pagsumpo niini.  

Ang kaisog sa pipila ka mga opisyal sa barangay ug mga kakonsabo sa pagkorakot sa Social Amelioration Fund simtomas sa lata nga moralidad.

MORALIDAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with