Pagtulon-an ni Gautama Buddha
MGA LAMAS SA KINABUHI - Fr. Rey Cui (Banat) - June 3, 2020 - 12:00am

Sa Budhismo dunay upat ka mga pagtulon-an. Kini naglangkob ning mosunod:

1. Adunay Pag-Antos.

2. Ang Pag-antus dunay Hinungdan

3. Mahimong Mawala ang Pag-Antos

4. Ang Paagi sa Pagwala sa Pag-antos mao man ang Pagpuyo diha sa Balanse.

Ako ning gipaambit karon tungod kay sa akong nasinati dunay mga higayon nga ang pag-antos kita ra mismo ang nagmugna. Dili  lang tingali sa bisan unsang lawasnon kondili usab sa bisan unsang emosyonal ug espirituhanon.

1. Adunay Pag-antos. Ang  katiguwangon, balatian ug bisan gani ang kamatayon pag-antos naman.

Tungod sa maong mga panghitabo kitang mga tawo ang daghan kaayo og pangutana. Apan ang tubag niini mao nga bisan pa man kun unsaon nato ang tanan nahimong kahimanan sa pag-antos. Anaa gyud ang pag-antos ug kasakitan ug dili kita immunized niini.

2. Ang pag-antos dunay hinungdan ug ang maong hinungdan nakasentro sa pagtuo nga dunay kaugalingon.

Apan sa tinuod wala gayud. Ang pagpunay og tan-aw sa kaugalingon sukaranan ra man sab sa lumalabay nga panahom. Panahom nga magdala og kamatayon.

3. Mahimong mahanaw ang Pag-antos. Mahimo lamang kini kun himoon nato ang pagbiya sa naandang mentalidad nga dunay kaugalingon. Sa Budhismo gud wala may kaugalingon gitawag nila kini og Anatta kun No-Self.

4. Ang Paagi sa Pagwala sa Pag-antos pinaagi man sa Balanse nga Pagkinabuhi. Dili maayo nga puy-an ang gitawag natong kinabuhi nga subra, kinahanglang igo igo lang. Ning paagiha nahimong mas makahuloganon ang tanan alang kanimo. Ang kinahanglanon mao ang moderation sa tanan nimong pagabuhaton. Sa akong tan-aw nahimong mas makahuloganon kini kun matuman gyud unta apan lisud.

Ang tanan dunay utlanan. Bisan unsaon pa nimo og pa-cute o bisan unsay kaayo nga imong pagahimoon ang tawo nga sarado na og hunahuna lisud na gyud kaayo tudloan sa bisan unsang pagaisipon natong husto.

Sirado na ang iyang hunahuna. Sirado na ang iyang pagbati ug wala na kitay mahimo pa aron matuis kini.

Busa ang maayo isipon na lang siyang kabahin sa nabag-as nga kagahapon.

GAUTAMA BUDDHA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with