Pagmatngon kanunay
SAKSAK SINAGOL - Lucky P. Malicay (Banat) - June 3, 2020 - 12:00am

Sukad kaniadtong Lunes nibalik na sa general community quarantine ang status sa mga dakbayan sa Sugbo ug Mandaue human sa duha ka bulan nga pagkailalum sa enhanced community quarantine.

Nagpasabot kini nga luag na ang inadlawng dagan sa patigayon sa pribadong sektor ug ang lihok sa katawhan. Miarangkada na usab ang ang mga public utility vehicles alang niadtong mga commuters mga mobalik na sa ilang trabaho.

Apan angay natong mahibaw-an nga dili pa hongpit nga abli ang tanan. Ilalum sa GCQ status, adunay mga guidelines nga kinahanglan nga sundon ang mga pampubliko ug pribadong establisimento sa pag-resume sa ilang operasyon.

Kini sama sa pag-obserbar og limitado nga gidaghanon sa mga kliyente ug kustomer sa mga balay patigayon ug ubang buhatan. Kini gumikan kay gikinahanglan gayud ang padayon nga obserbasyon sa social distancing.

Apan maayo nga mahibaw-an nga wala pa nibalik sa normal ang tanan. Adunay guidelines nga angay sundon sa tanan aron malayo kita sa peligro gikan sa padayong pagkuyanap sa coronavirus disease o COVID-19.

Obligado ang tanan sa pagsul-ob og facemask kon anaa sa gawas sa ilang mga panimalay. Of course, ang physical distancing usa sa estrikto nga pahimangno nga nalatid sa lagda nga padayong gisunod bisan asa dinhi sa nasud.

Karon nga anaa na kita sa GCQ, depende na sa matag usa kanato ang tanan. Mao nang atong hunahunaon nga bisan puwede na kitang makighalobilo sa gawas, ato usab nga aninawon ang dakong risgo sa COVID-19.

Gituyo kining implementasyon sa GCQ aron inanay nga maablihan usab ang lokal ug nasyonal nga ekonomiya nga grabe nga nagusbat mugna sa pagratsada sa coronavirus disease sukad niadtong Marso.

Kini bisan pa sa seryosong risgo nga giatubang sa katawhan sa tibuok nasud taliwala niining makamatay nga balatian nga, hangtud karon, wala pay bakuna nga pangontra. Ug busa angay nga responsable gayud ang tanan.

Ilalum niining GCQ, adunay mga lagda nga angay usab nato nga sundon. Hinuon milugak na ang kagamhanan ug mitugot kanato pagtuman sa atong gimbuhaton sa gawas.

Apan ato usab nga batunan ang kanunay nga patmatngon.

KANUNAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with