Batasan ang kwalipikasyon
AMBOT LANG - Gerry Auxilio (Banat) - May 14, 2020 - 12:00am

Gisugyot ni Department of Interior and Local Government (DILG) Undersecretary Jonathan Malaya nga patas-an ang kuwalipikasyon sa mga gustong magpapili pagka opisyal sa barangay tungod kay nagkabug-at na karon ang ilang mga gimbuhaton.

Sa iyang pamahayag sa GMA News Online, si Malaya nagkanayon nga ang mga opisyal sa barangay gihatagan na daan og gahom sa pagpatuman sa mga balaud sa barangay, pagpanday og balaud alang sa barangay ug paghukom sa mga sungi nga nahitabo diha sa barangay.

Ang sugyot ni Malaya mitumaw human nasuwayan ang kahaniti sa mga opisyal sa barangay dihang mibutho ang mga kontrobersiya sa pagpang apod-apod sa tabang pagkaon ug salapi nga ubos sa Social Amelioration Program alang niadtong mga naapektohan sa COVID 19 pandemic ug sa pagpatuman sa quarantine.

Kun patas-an man ang kuwalipikasyon sa mga opisyal sa barangay, unsa man pod kini? Gikinahanglan ba nga ang mga magpapili sa barangay mga gradwado sa kolihiyo? Gikinahanglan ba nga tag-as ang marka sa ilang grado sa ilang pag gradwar sa tunghaan o kolihiyo? Gawas niini, pila man ang edad nga gikinahanglan? Pila man ka tuig siyang nagpuyo sa barangay diin siya magpapili?

Kun patas-an man ang kuwalipikasyon sa mga opisyal sa barangay tungod sa nagkabug-at ug nagkadaghan nilang mga gimbuhaton, ako pod nga isugyot nga patas-an usab ang kuwalipikasyon sa mga magpapili sa tag-as nga posisyon sa gobyerno gikan sa presidente hangtod na sa mga konsehal sa lungsod. Dili ikalimod nga bug-at ug daghan og trabaho ang presidente ug ang ubang piniling opisyal sa nasud pero ang kuwalipikasyon nga gisita sa Batakang Balaud ug Local Government Code alang sa ilang posisyon makamao lang silang mobasa ug mosuwat.

Kun makamao lang mobasa ug mosuwat ang gikinahanglan aron mahimo kang presidente sa nasud, nganong dili man lang pod kini i-apply ngadto sa mga opisyal sa barangay nga mas ubos nga posisyon kay sa presidente?

Gawas pa, dili pod kaseguroan nga kun taas ang kahibawo sa tawo maayo pod ang iyang liderato.

BATASAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with