Daw sa gikumot ang akong kasingkasing
MGA LAMAS SA KINABUHI - Fr. Rey Cui (Banat) - March 27, 2020 - 12:00am

Wa lang gyud  nako tuyoa nga nidagayday ang mga luha sa akong mga mata sa dihang nakita ko newsfeed sa akong FB Account nga dunay mga 50 kapin na ka mga paring Italyano ang nangamatay didto sa Italia gumikan sa Coronavirus nga nagagikan sa Wuhan, China. Tinuod mga edaran na kini sila, mga tiguwang na apan bisan pa niana subo palandungon nga nahimong nagdungan ang ilang kamatayon.

Dunay laing pasyente edaran na sab, pinaagi sa video call ang nanamilit sa iyang mga mahal sa kinabuhi diha sa panahon sa iyang pagtinga. Tingali bugtong mga luha sa masigkahabig ang nihari niadtong mga gutloa sanglit malisud alang kanila ang paggakos sa usag usa. Ang tanan alang kanila virtual na lamang. Ang tanan karong higayona haguka ug way kasegurohan.

Kinsa kaha ang angayang basulon ning tanan? Tunglo ba kini kay lagi tun-as na kaayo ang atong moralidad? Ang tubag dili kay samtang dunay mga tawong mopahimulos ning maong kalakiha padayong mag ilaid ang kadaghanan sa kalisdanan gumikan sa maong tinguha nga mopahimulos sa higayon aron ang pipila makaani sa ilang gitinguhang ginansiya.

Daghan ang nipakitang gilas karon. Gani dunay ubang mga tawo nga daw sa nakaminos sa gipahigayong executive order sa atong mga lokal nga pangagamhanan. Gibiay biay pa nila. Hinuon, sa bilanggoan sila nipadayon sa ilang battle chuchuwarap rapan!. tinguha tingali nga mosikat. Duna say uban mo post og fake news. Imbes makatabang sa mga tawo nagdugang hinuon sa kahadlok.

Dunay mga nagpabuyag ning panahon sa krisis. Mao tingali nga hangtud karon, malisud alang natong mga Pilipinhon ang paglambo. Daw sa kumoton ang atong kasingkasing ning kalakiha.

Por lo menos naningkamot ako kuyog sa akong mga parokyano nga mopaambit sa among mga pag-ampo alang sa among mga kaigsuonan. Ang pagsuroy sa imahen ni San Roque, ang matag holy hour, ang live streaming nga Santos nga Misa alang nako maoy mahimo sa kasamtangan kay mismo ang parokya nagkinahanglan man usab. Kun dunay atong mabalibaran panahon ning kahimtanga karon kana tungod kay ato lang gisunod kun unsay gimando nga makaayo alang sa kadaghanan pwera na lang sa mga tawong abusado ug dili maantigong mosunod, ang uban pa gani ini nila mga kawani man sa gobiyerno.

Nakaako pa gyud og lipay lipay panahon ning kalisdanan karon. Ning tungora gikumot ang akong kasingkasing, dili tungod sa kaguol kondili tungod sa kapikal nganong lisud sundon ang balaod ug  kun nganong mas kampante kita nga mobasol apan wala kitay gihimo.

KASINGKASING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with