Badlis o ibisibis?
JAV BANATI - Javier Yntig Tapulado (Banat) - February 28, 2020 - 12:00am

Bisan ang Simbahang Katoliko nahadlok sab sa corona virus (Covid-19). Hinungdan, may buluhaton sulod sa Santos nga misa, ang gibag-o sa kaparian agig panalipod sa katawhan nga dili matakdan sa gikalisangang kagaw.

Ang Redemptorist Church ug Basilica Minore del Santo Niño, sa dili pa sugdan ang pagpangalawat, ipahibalo gyud sa Lector o Cantor nga panahon sa communion, dili na direkta sa baba ang pagdawat sa Ostiya, kondili, dawaton na Kini sa walang palad nga sinapnay sa tuong kamot ug ayha pa kan-a.

Dili tanang simbahan ang mihimo niini. Ug dili tanang mangalawat ang mituman sa maong simpleng patakaran. Kay anaa gihapoy mihungit ug daghang magpahungit. Busa mailhan, kinsang paria ang masinupakon ug kinsang magtutuoha ang gahi pasabton.

Dili ba ang pagsupak sa mga pulong nga gikan sa Espiritu Santo nga Iyang gipasa ngadto sa kaparian aron ipaambit sa katawhan nga likayan una ang direktang pagkalawat gamit ang baba aron mahilikay sa kadaot, usa ka dakong sala? Timan-i. Sa wala pa buhata ang maong patakaran, nangayo unag lamdag ang kaparian sa Holy Spirit unsa ang tukma ug angay?

Nga sa ato pa nahulma ang maong mga pulong nga giniyahan sa Espiritu Santo. Busa, ang maong sugo Iyaha sa Ginoo ug dili sa pari. Diin, kutob sa mosupak nakasala.

Apan ambot, nganong bisag nakasala na ang masinupakon, mikalawat man gihapon?

Gumikan sa Covid-19, hasta ang pagpamadlis og abo sa agtang sa Ash Wednesday, giingong usbon  kay imbes ibadlis sa agtang, ibisibis nalang sa ulo.

Apan niadtong Domingo, pipila raman tingali ka simbahan ang nagbisibis, kay daghan mang gikan nanimba nga may badlis nga Krus sa agtang dinhi sa Sugbo.

Mimugnag nagkadaiyang reaksiyon kining maong kausaban. May mipabor. Dunay milingolingo. Adunay miingon nga momenus ang magpabadlis. Apan may mipadayag nga sa mga nagmatinud-anon, dili kini makaapekto.

Bitaw, ang tawong may hugot nga pagtuo sa Ginoo, bisag asa pa isabyag ang abo sa iyang lawas, dili kini makapausab sa iyang pagbalaan sa Ash Wednesday – ang pagdawat sa abog nga nagkahulogag paghinulsol sa tanang sala ug ang pagpaningkamot nga dili na magpakasala.

Buwahan, sa higayon nga kita mobalik na sa abog, ang atong kalag mahiuban ni Hesukristo sa Iyang pagsaka-balik sa langit.

Mao kini ang mensahe sa Ash Wednesday nga nag-awhag natong tanan sa pagpabadlis o pagpabisibis gyud abo samtang may panahon pa.

BADLIS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with