Naglalis tungod sa limos
BALITAHOM - Atty. Jose Marie N. Poblete (Banat) - February 27, 2020 - 12:00am

Tungod sa mariyot lang nga bahin nga nadawat sa lungsod sa Alegria, Cebu, sa kita sa oil exploration project didto, giawhag ni Gobernador Gwen Gacia ang Department of Energy sa pagpresentar sa financial statements mahitungod sa maong kaakohan. Maayo ang maong laraw sa gobernador.  Niining paagiha, dili mahisama ang lungsod sa Alegria ug ang probinsya sa Sugbo sa sugilanon sa duha ka buta nga makililimos nga gitinontohan lang sa nihatag kunohay og limos nga P20, dayon ingon, “Bahina kana ninyong duha!” apan wala diay gitunol.  Nagkalalis na hinoon ang duha ka buta kon kinsay nakadawat sa limos nga wala diay ihatag.  Pagkatoytoy!

Wa’y klaro unsa nga propesyonal

Mimando si Bureau of Immigration Commissioner Jaime Monterde ngadto sa mga empleyado sa maong buhatan nga magpabilin sa ilang pagka-propesyonal taliwala sa alegasyon sa korapsyon nga nisibaw gumikan sa pagkabutyag sa “pastillas” racket diha sa NAIA.  Wala man gitataw sa Commissioner kon unsa nga matang sa pagka-propesyonal ang iyang ipasabot.  Kuyaw kon lainon pagsabot sa iyang mga empleyado hinungdan nga mo-upgrade na unya sila sa ilang modus sa pagpangurap aron matawag na nga propesyonal.  Madahaaan!

Solicitation, nag-una nga talent

Bisan sa iyang naangkon nga kadaugan isip Third Runner-up sa America’s Got Talent, gibutyag ni Marcelito Pomoy nga wala siya’y nadawat nga premyo nga kwarta gikan sa tigpasiugda sa maong contest.  Dinhi sa Pinas, bisan ang labing gamay nga pa-contest, bisan gani sa lumba og kaon, sa labing gamay nga Sitio, aduna ma’y premyo.  Mao nga mag-ugtas gyud dayon pagpang-solicit ang mga tigpasiugda.  Mga politiko ang sagad nila’ng puntireya.  Pilipinas Got Talent pud diay.  Ug nag-una sa maong talent ang SOLICITATION.  Pagkatoytoy!

Way gipili nga biktima

Segun sa balita, ang kagamhanan sa Japan mi-alma na usab tungod sa nahiaguman niini nga pagsaway sa giingon nga dili hapsay nga pagpatuman sa quarantine measures sulod sa cruise ship nga Diamond Princess kansang mga pasahero giingon nga gitaptan usab sa corona virus. 

Dili diay exclusive sa mga Pinoy ang pagkahinawayon ug pagkahadlokan kon corona virus na ang hisgutan.  Bisan gani ang Japan, nga gidayeg sa kamaayo moatiman ug mosulbad sa krisis ug mga katalagman, sa Fake News ug pagpanaway, mabiktima pa man.  Matud pa lage sa Intsik, “PALEHO LA”.  Tua ra!

Duwa sa iring ug ilaga

Mga sidewalk vendors nga naigo sa demolition tungod sa pagpatuman sa ordinansa sa Sugbo ingon man sa DILG Memorandum Circular 2019-121 nakadawat ug kwarta nga ayuda gikan sa DSWD.  Apan tungod lage kay ang naapektohan sa demolisyon panginabuhian man, hayan mamalik ra usab sa pagpaninda ang mga hingtungdan nga vendors.  Sa hisgutanan sa panginabuhian, mahisama ra gayod sa “iring ug ilaga” ang mga vendors ug ang kagamahanan: ang kagamahanan mogukod ug manakop, ang vedors modagan ug motago.  Saoonz!

LIMOS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with