Ang Kalaki ni Herodias
MGA LAMAS SA KINABUHI - Fr. Rey Cui (Banat) - February 22, 2020 - 12:00am

Si Juan Magbubunyag kay lagi nagpuyo man sa kinabuhing pinasikad sa tul-id nga dalan sa moralidad ang mihimo og paghukngay kang Herodes gumikan sa pakigtipon niini kang Herodias nga asawa sa iyang igsuon nga si Filipe.

Si Herodes bisan pa man kun tingali suko na kaayo kang Juan ang wala makaako pagbakyaw sa iyang kamot tungod kaha kay siya mismo nasayud man sa iyang kaugalingong binuhatan.

Mao nga iya na lamang gipabilanggo ang maong propeta gikan sa kamingawan.

Si Herodias sa laing bahin ang wala gyud malipay sa presensiya ni Juan.

May mga adlaw ug gabii tingali siya nga iyang gigambalay ang mga laraw mapukan lamang si Juan Magbubunyag nga nahimong babag sa ilang kalipay ni Herodes.

Tuod man nakahigayon gyud siya sa dihang ang ilang anak dalagita nisayaw ug nakapahimuot ni Herodes ug sa iyang mga bisita atol sa adlaw’ng natawhan niini.

Si Herodes pud sa laing bahin ang nihimo og dinaliang hukom nga wa gani mogamit sa hustong panghunahuna. Kaniadto gud kun mohimo ka og saad kinahanglan imong tumanon kay ikaw mismo man ang mauwawan.

Alang kanila ang dungog giisip man nga bahandi usab mao nga kun di tumanon ni Herodes ang maong saad nga ihatag ang ulo ni Juan Magbubunyag diha sa bandehado nan, mamahimo siyang mauwawan atubangan sa iyang mga bisita.

Bisan pa man kun di makatarunganon iya gihapon kining gihimo, at the expense sa kinabuhi ni Juan Magbubunyag.

Namatay siya gumikan sa kaboang sa pipila nga nahimong nalumsan sa way hinungdang mga binuhatan ug kahilig.

Ang maong kasinatian ni Juan nagdapit sa matag usa kanato ning mosunod:

1. Una sa paggamit sa husto sa atong gahum sa pagpili. Dili maayo nga mopili lang ta kay mopili kinahanglan mohimo kita og unsay makaayo ug dili ang bisan unsa nga makadaut.

2. Ikaduha, sa dili pa kita mopili o mohimo og desisyon ato una kining hunahunaon sa makadaghan gayud.

Di lang ni mahitungod sa imong personal nga kaayohan kondili usab sa kaayohan sa uban.

3. Kuyog usab niini ang pag-ampo nga unta giyahan ang matag desisyon nga atong pagahimoon aron sa ingon dili kita masayop.

HERODIAS
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with