Naunay sa tari?
RENBOR PATROL - Rene U. Borromeo (Banat) - February 22, 2020 - 12:00am

Ambot og sulagma lang ba gyud ang nahitabo, o kaha natag-anan ba sa usa ka iladong American writer nga karong tuiga, adunay mokuyanap nga sakit sa kalibutan – ang gitawag og Novel Corona virus.

Si Dean Koontz, naghimo og libro nga gipamaligya   niya kaniadtong 1981, ug iya kining giulohan og “The Eyes of Darkness.” Naghisgot kini sa kaagi sa usa ka inahan nga wala gyud motoo nga namatay ang iyang anak.

Timan-i nga ang libro gisuwat ni Koontz 39 ka tuig na ang nilabay, apan iyang natag-anan nga sa tuig 2020 may virus nga mokuyanap ug kagubtan kini sa kalibutan. Labaw na nga natag-anan sa sugilanon ni Koontz nga sa China kini magagikan.

Ang sugilanon nga gibase lang sa hunahuna ni Koontz nag-ingon nga si Danny, ang anak sa maong babaye, wala gyud tinuod mamatay apan gidala kini sa usa ka military laboratory sa Wuhan, China ug eksperimentohan.

Sa mao kuno nga laboratoryo, ang mga scientists nigama og virus aron ilang magamit sa pakig-away nga dili na kinahanglan nga ang China makiggubat pa sa ilang mga kontra.

Mao ni ang kabahin sa nahisulat sa libro ni Koontz. “In around 2020 a severe pneumonia-like illness will spread throughout the globe, attacking the lungs and the bronchial tubes and resisting all known treatments.”

Dili ba tukma gyud? Pagka karon wala pa gyuy nakit-an nga tambal nga pang-alkontra sa Corona virus ug mao nga hapit na 2,000 ka tawo ang nangamatay tungod sa maong sakit.

Ang Washington Post nagpublikar og report sa dakong posibilidad na ang gitawag og Corona virus nakagawas gikan sa laboratoryo sa mga Insik, ug nakatakod sa ilang mga kadugo, ug paspas kayo ang pagpanakod sa ubang mga tawo.

Bisan ang Radio Free Asia, nisibya pag-usab kaniadtong Enero sa usa ka report sa TV Station sa Wuhan nga gihimo kaniadtong 2015, nga ang China aduna nay “most advanced virus research laboratory.” Kini mao ang Wuhan Institute of Virology.

Ang mao nga laboratoryo gihinganlan ni kaniadto og Chinese Academy of Sciences on Virology ug nahimutang kini sa Jiangxia District, Wuhan, Hubei, China. Pagka karon hinoon, wa angkona sa mga Insik nga gikan kanila ang maong virus.

Gani, dunay report sa internet nga ang mga biologist sa Wuhan Institute of Virology niapil karon sa paghimo og pagtoon kabahin sa gitawag na og 2019-20 coronavirus outbreak.

Unta, dili gyud tinuod ang mga nasuwat ni Koontz sa iyang libro, kay kun kini tinuod man, maisip ra nga ang China, “naunay sa ilang tari.”

TARI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with