Ang Balatian nga naghuwat nang daan
LABTIK - Alan Domingo (Banat) - February 21, 2020 - 12:00am

Tulo na ka mga bata ang namatay sa dakbayan sa Sugbo gikan sa Enero Hangtod lang niining buwan sa Pebrero tungod sa dengue virus.

Mokapin usab sa 400 ang nataptan sa naasoyng balatian sa Cebu City ilabi na sa mga baranggay nga naay taas og concentration sa mga lamok.

Mao kini ang gibutyag ni Dr. Daisy Villa ang Health Officer sa Cebu City kinsa miingon nga mas angayang kahadlokan ang dengue kay daghan na nga kinabuhi ang nakalas.

Sa mga nangagi nakong mga lindog ako na kining gituki nga issue apan subli nako kining hisgotan sa pamasin nga makahatag pahinumdum natong tanan nga dili kakompyansahan ang naasoyng balatian.

Ang nahitabo karon kay nagtutok kita sa kalamboan sa Coronavirus Disease COVID 19 nga pulos ra mga Chinese ang nataptan diri sa nasod, wala pay local transmission, maayo unta kon wala nalang gyud.

Naningkamot gyud ang tanan nga makapalit og face mask kay mahadlok lagi apan unsa man usab ang gihimo nining mga tawhana paglikay sa dengue virus?

Nagkapuliki ba sab sila sa paglimpyo sa mga dapit nga itloganan sa lamok? nag panic ba sad sila sa pagseguro nga dili mataptan sa dengue?

Kamo, kita nasayod gyud unsa ang tubag niining pangutanaha ug segurado nga guilty pud ta.

Dili lang isyu sa dengue kon dili lakip na ang mga existing diseases nga anaa na sa atong palibot apil ang kalibanga nga daghan kuno usab ang kaso.

Kompyansa ra ang mga tawo kay lagi murag naanad na niining sakita pero gikinahanglan nga seryosohon kay kinabuhi ang nakataya niini.

Laing kagaw nga atong bantayan mao ang polio diin subling mitumaw karon, gani positibo ang Butuanon river.

Kuwang ra ba intawon kita sa bakuna, kon nakapalabang ang konseho og 15 milyones pesos alang sa COVID 19 walay rason nga dili maka release og pundo alang sa ubang mga balatian. Sa mga tawo angayan nga dili lang uso uso ang atong pagtagad kon dili ipadayon nato ang kahingawa sa tanan nga mga balatian kay kon magsalig nalang kita basin baya og uwahi na ang tanan.

DAAN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with