EDITORIAL - Nag-unsa ra diay ang mga kapitan?
(Banat) - February 16, 2020 - 12:00am

Mando sa Department of Interior and Local Government (DILG) sa mga opisyales sa kabarangayan nga paghawan sa mga kadalanan diha sa ilang mga hurisdiksyon makatabang sa pagpamenus sa problema sa trapiko.

Daghang mga illegal nga mga estraktura ang gipamutang diha sa mga dalan, wala hinuon kini makapasirado gyud sa agianan apan migamay ang daan ng gagmay nga mga karsada.

Dunay mga tindahan, mga lamesa ug kariton sa mga ambulant vendors ngadto na sa mga gipangsemento gyud nga estratura. Nangawala ang mga aseras nga agianan sa tawo kay gitabunan sa mga estraktura.

Pipila niining mga sudlonong mga karsada sa kabarangayan dili na gustong agian sa mga motorista tungod kay kun asa kining daghang mga gagmay’ng sari-sari stores nga gitukod sa aseras, mga lamesita ug mga kariton sa mga naninda naa sab ang nagdasok nga mga tawo.

Dugangan pa aning mga overnight parking sa mga 4-wheeled nga mga sakyanan, ug usahay dunay mga motorsiklong giparking nga dili tarungon pagpidpid sa dalan nisamot kahuot.

Dili raba tanang mga tawong makita aning mga dapita mamalitay kay mas daghan ang nanumbalay lang, nag-inom o ba kaha nagsugal. Sila pay estrikto kun dunay sakyanang mosulod sa ilang dapit.

Ang mga nahisgutan sa ibabaw makita pa gihapon sa pipila ka mga barangay dinhi sa Metro Cebu. Klarong mga kalapasan sa mga residente nga gipiyongan lang sa mga barangay officials.

Kinahanglan pa gyud diay nga mopagawas og memorandum circular ang DILG una pa motuldo sa ilang trabaho ang mga barangay kapitan?

Ang mga barangay nga duna niining gipanghisgotan sa ibabaw pagmatuod lang nga way pagpakabana ang ilang opisyales.

Nganong wala man gyud sila makabadlong niini? Nahadlok ba sila nga masuko kining mga tawhana unya dili na sila botaran pagusab?

KAPITAN
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with