Ayaw pagdala og bisan unsa
MGA LAMAS SA KINABUHI - Fr. Rey Cui (Banat) - February 12, 2020 - 12:00am

Sa matag higayon nga mopanaw ko sa bisan asang dapit mopanaw ko nga dyotay lang gyud og dala. Kini tungod kay gawas nga hasol mas makapahinay pa sa akong lakaw.

Mao nga bilib ko ining mga edaran nga bisan kun edaran na padayon gihapong molaag og bisan asa. Kini ang hinungdan kun nganong sa ATM ra gyud ko magsalig o dili ba kaha sa kwarta padala.

Si Jesus usa ka adlaw niana nisugo sa iyang mga tinun-an nga sa ilang panaw dili maayo nga magdala (Basaha Markos 6;7-13). ang pangutana mao: Posible ba gyud kaha kining  mahitabo?”

Unsaon na lang kun way kwarta, way bisti, way pagkaon o way salapi. Ning atong panahon karon sa tinuod lang murag malisud alang nato ang pagpahigayon ug mga seminars, recollections, retreats nga way laptops, gitara o dili ba kaha projectors.

Dugang pa, nagbaguod pud kita sa daghan kaayong mga concerns ug mga kabalaka nga usahay makapabalaka kanato kun unsay ikasulti sa atong mga kliyente sa performance sa atong kalihukan.

Apan lahi ang panghunahuna sa atong Magtutudlo.Alang kaniya (ug sa akong pangagpas) dili man dautan ang paghupot ning mga butanga apan gikinahanglan nga mamahimo lang gyud nga detached kita sa bisan unsa, sa bisan asa o kinsa nga lumalabay lamang.

Kun salapi lang ang anaa sa atong hunahuna nga tungod niini mamahimo kitang tapolan sa pagsangyaw sa pulong sa Dios labina kun wala kitay mapaabot.

Kun dili kita at home sa mga tawo, nagpasabot ba nga dili na lang gyud kita mo venture aron pagsangyaw sa ebanghelyo?

O dili ba kaha tungod sa mga discomforts nga atong masinati along the way, makapabugnaw ba kini kanato?

Mas maayo nga mamhimo kitang detached bisan gani sa mga pagdayeg ingon man ang kahadlok nga masakitan kita sa higayon nga kita dili dawaton sa mga tawo.

Kay ang mas mahinungdanon mao man ang mensahe nga angayan natong imantala kaysa pagmantala sa atong kaugalingon.

Ang pulong Mission gikan man sa latin nga Missio nga nagpasabot og pagpadala gani nindot ug haom kaayo nga sa hinapos nga bahin sa Misa moingon ang pari Tapos na ang Misa dad-a ang kalinaw ug gugma ni Kristo!” nga sa ato pa mas maayo nga atong dad-on ang mensaheng Kristohanon ngadto sa mga dapit diin kita nagpuyo kaysa pagpunay og hunahuna o imagine sa bisan unsang lumalabay o taphaw nga mga pagbati lamang.

Mas mahinungdanon ang mensahe ug labaw sa tanan sa akong tan-aw God will always provide.

Iya man ning lihok siya ang motiwas ug mopahimutang niining tanan pinaagi kanato. Amen!

UNSA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with