3rd bridge: makasulbad ba sa suliran sa trapiko?

Ato na kining nahisgutan dinhi, apan gumikan sa atong kahimuot nga sa dili madugay mahuman na gayud ang ikatulong taytayan nga magdugtong sa Isla sa Mactan ug mainland Cebu  -  ang Cordova-Cebu bridge.

Nindot gyud kaayo kon ato na kining ma-realized. Mga kalamboan nga wa nato damha nga mahitabo karong panahona. Kinsa guy magdahom nga kabuhatan dayon kita og ikatulong taytayan. Kinsa guy magdahom nga matinuod diay ang “Build, Build, Build” sa Duterte administration.  Dili  diay ni komedya lang sa atong Presidente.

Ug samtang nagpaabot kita sa pagkatapos ning maong proyekto, adunay mga pangutana kun makasulbad ba gayud kini sa suliran sa trapiko. Adunay miingon nga igo lang kining maka-ease sa suliran, dili gayud makasulbad in full sa ning maong suliran.

Kini tungod kay nagkadaghan ang molupyo sa atong dakbayan ug sa Metro Cebu, for that matter, nagkadaghan ang mga sakyanan , nagpadayon ang pagtukod sa mga dagkung edipisyo, busa, nagdaghan ang mogamit sa nagpabiling hagip-ot nga kadalanan.

Ug samtang mao kini ang sitwasyon, sa ato nang nahisgutan dinhi, ang feasibility study sa ikaupat nga taytayan, nahuman na usab. Sa ato pa, kon mapatuman kini sa daling panahon, magdungan ang pagtukod sa ikatulo ug ikaupat nga taytayan

Of course, mauna gayud pagkahuman ang third bridge. Ug niini, masulbab na ba gayud sa hingoit  ang suliran sa trapiko? Giingon nga tapuson kining maong proyekto sa dili pa matapus ang termino ni President Duterte. Sa ato pa, before 2022. Nindot kun mahinayon.

Apan, magpabilin gihapon ang pangutana kun makasulbad na gayud kini sa hingpit sa suliran sa trapiko. At least makapaluag tingali kinig gamay sa kahuot sa trapiko. Apan, by this time, modaghan na gyud pag-ayo ang mga molupyo dinhi,  mosamot nag kadaghan ang mga sakyanan, ug mas modaghan na ang konstruksiyon sa mga patigayon ug mga pabrika.

Mao nga sa ato na usab nga nahisgutan dinhi,  ang laing solusyon pagsulbad sa suliran sa trapiko mao ang pag-disperse sa patigayon, pinaagi sa pagtukod og mga planta ug pabrika ug ubang mga kahigayonan sa panarbaho didto sa kalungsoran.  Niini, ma-disperse usab ang katawhan, dili na kita maghuot dinhi.  Ug natural maminos usab ang mga sakayanan sa kadalanan. Hinuon, this will take time. Kay kinsa man nga negosyante ang mo-venture dayon pagbubo sa capital ngadto sa mga dapit layo sa Metro Cebu?

Ug sa ato na usab nahisgutan dinhi, laing alternative, mao ang pagtukod og mga pantalan – international ports , sumala sa sugyot ni Fidel Abalos nga napatik sa The Freeman. Alang niya, dili pa igo ang gilaraw nga ikaupat nga taytayan, kon pagsulbad sa trapiko ang hisgutan.

Matud niya: “If we care to analyze, we can surmise that our roads are so inadequate to accommodate the current number of vehicles. Worse, our public transport system is so inappropriate.”           

Tinuod, ug dugang niini, nagkadaghan usab ang mga biyahe sa eroplano ug sa mga barko, busa, dugang dumuduong both domestic ug foreign tourists. 

So, dugay-dugay pa man ma-improve ang atong public transport system, ang medyo immediate nga solusyon mao ang pagtukod og mga international ports, both sa south ug north Cebu.