Sipyat si Young
SAKSAK SINAGOL - Lucky Malicay (Banat) - January 27, 2020 - 12:00am

Miani og pagbatikos si Cebu City Councilor Augustus “Joy” Young sa iyang opinion nga sukwahi sa pamahayag ni Presidente Rodrigo Duterte atol sa iyang pagbisita sa Sugbo niadtong Sinulog Festival dili pa lamang dugay.

Pahayag ni Duterte sa iyang diskurso didto sa Cebu City Sports Center nga, sama didto sa Manila, angay na gayud itukod ang mga skyway ug railway system dinhi sa Sugbo aron pagsulbad sa nagkagrabe nga problema sa trapiko, ilabina sa Metro Cebu.

Gani misaad man ang presidente nga motabang siya pagpangita og pondo alang sa katukoran sa maong sistema sa modernong mass transportation nga hagbay ra gyud tuod nga gikinahanglan sa mga Sugboanon.

Apan dili bilib niini  si Konsehal Young. Opinyon ni Young mao nga ngano man kuno nga mosundog ang Sugbo sa kaulohan pagsulbad sa problema sa trapiko didto. Alang kang Young, ang mga skyway ug mga train wala gayud makasulbad sa problema sa trapiko didto sa Metro Manila.

Apan sipyat si Young. Kung atong hunahunaon, walay laing nga paagi nga masulbad ang seryosong problema sa trapiko sa Sugbo kondili mao lamang pag-implementar sa mga agianan sa itaas sama sa skyway, light rail transit ug monorail, ug pagbuhat og mga tunnel.

Sa iyang pagsungag sa pamahayag sa presidente, wala hinuon mohan-ay si Young og mga proposal kun unsa nga klase sa modernong transportasyon ang angay nga sagopon sa Sugbo, ilabina sa Metro Cebu.   

Sipyat si Young kung nagtuo siyang walay natabang ang mga skyway ug train sa pagsulbad sa trapiko sa kaulohan. Dili ba nga gatusan ka libo ang migamit sa LRT ug mga skyway matag adlaw didto sa Metro Manila? Ug dili ikalimod nga dako kini’g natabang pagluag sa naghuot nang mga karsada didto.

 Dinhi sa Metro Cebu, tungod lagi sa ka gagmay sa mga karsada dinhi, insakto ang awhag ni Duterte nga angay na magtukod og ibabaw nga mga agianan. Kini aron pagluag sa mga naghuot nga dalan sa ubos.

Husto usab si Presidential Assistant for the Visayas Michael Dino sa iyang pamahayag nga angay lamang suportahan ang lakang sa presidente pagpangita og kasulbaran sa problema sa trapiko sa Sugbo. Hinuon, alang kini sa mga Sugboanon.   

YOUNG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with