Exclusive nga alang sa tanan
BALITAHOM - Atty. Jose Marie N. Poblete (Banat) - January 19, 2020 - 12:00am

Human sa kontrobersya mahitungod sa ekslusibo nga kontrata tali sa Sinulog Foundation, Inc. (SFI) ug sa MyTV Channel 30 alang sa katungod sa pagsibya sa Grand Parade sa Sinulog 2020, mitumaw na usab ang laing kontrobersiya.  Kini mahitungod na usab sa exklusibo nga kontrata sa SFI ug sa San Miguel Food and Beverages, Inc. alang na usab sa pagpaninda og mga pagkaon sa rota sa parade.  Ni’ng pagsuwat, gikanselar na ni Mayor Labella ang kontrata sa SFI ug MyTV. Dili lage mahimong panag-iyahon sa pipila lamang ang daan na’ng gipanag-iya sa katawhan. Exclusive sa imong mata…Madahaaan!

Mag-uuma’g kagikan, dili mananagat

Miawhag sa Ombudsman si Super Bobby sa DYSS/GMA nga magpahigayon og lifestyle check sa hepe sa LTO-7 nga si Director Victor Caindec.  Si Caindec, kinsa miangkon nga daan na siyang adunahan sa wala pa siya mosulod sa gobyerno, nagtuo nga harassment ang gibuhat sa broadcaster ug usa ka matang sa “fishing expedition.” Si Super Bobby naggikan sa banay nga dako ug halapad ang yuta nga giuma. Medepensa dayon ang akong silingan: “Mag-uuma man ang kagikan ni Super Bobby, dili tingale siya maantigo managat, busa ngano’ng ingnon man nga “nag-fishing expedition” siya? May punto ‘sab ang among silingan!

Wa magsabot asa mag-abot

Sama sa nangagi’ng tuig atol sa kasaulogan sa Sinulog, gimando na usab sa National Telecommunications (NTC) nga palongon ang signal sa mga cell sites sugod sa kaadlawon sa bisperas sa kapistahan ug hangtod na sa pagtak-op sa Sinulog Grand Parade sa Dominggo. Daghan unya manag-uyab nga mag-away human sa Sinulog kay wala man magkasabot daan kon asa mag-abot. Sa ilang pagtibulaag, napalong usab ang ilang pagbinatiay nunot sa pagpalong sa signal sa cell phone. Nagdala sa dimal ang NTC!

Way halin ang ticket

Segun sa marketing officer sa Sinulog Foundation, Inc. nga si Aya Lim, ubay-ubay pa ang mga grandstand ticket sa Sinulog competition ang wala pa mahalin.  Dili kahibulongan ang maong kahimtang.  Gawas nga medyo niabot na ug kapuol ang katawhan paglabay sa hapit 40 ka tuig nga tinan-aw, medyo lisod na usab ang kahimtang sa panginabuhi karon.  Mag-atang na lang ang katawhan sa kadalanan dayon siyagit sa pag-ingon: “Pit Senyor, sa dalan ra ‘mi”.  Ang uban nga magpa-abot lang ug libre nga ticket, mosiyagit sa pag-ingon, “Pit Senyor, mamukong ra mi”. Payts!

TANAN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with