Pabor sa kagamhanan
SAKSAK SINAGOL - Lucky Malicay (Philstar.com) - January 13, 2020 - 12:00am

Lisod gayud nga tuohan ang report ni Bise Presidente Leni Robredo nga dakong palpak ang kampanya sa administrasyon ni Presidente Rodrigo Duterte batok sa negosyo sa ilegal nga druga.

Hinuon expected kana nga klase sa statement gikan sa usa ka haligi sa oposisyon sama ni Robredo. Dili ba nga buhaton gayud sa oposisyon ang tanan pag-discredit sa administrasyon sa unsa mang mga programa niini?

Sa report ni Robredo ngadto sa katawhan mahitungod sa estado sa drug war sa gobiyerno, hagbong kuno ang administrasyon sa kampanya batok sa mga drug lord, pusher ug uban pang nalambigit sa maong ilegal nga negosyo.

Siguro wala matuhog ni Robredo ug sa oposisyon ang kalampusan sa kagamhanan sa drug war. O nagpakabuta-bungol ba kaha lamang sila sa mga milyones nga ilegal nga druga nga na-score sa kapolisan sa ilang mga operasyon.

Kini wala pay labot sa mga sa dagkong personalidad sa ilegal nga druga nga na-neutralized atol sa mga operasyon sa kapolisan.

Ug dli gayud nato ikalimod nga dako kini og impact sa kampanya sa kagamhanan.

Siguro ang dakong lama sa drug war sa kagamhanan mao ang pagkadugoon niini diin liboan ka kinabuhi ang nakalas sa mga operasyon sa kapolisan sukad nga miarangkada kini paglingkod ni Duterte sa Malacañang.

Hinuon expected nga mahitabo gayud kana. Ilabina na nga dili lalim usab sa side sa kapolisan nga basta mohasmag na lamang sa mga drug den diin armado ang mga suspek. Mao nang dili gayud malikayan ang mga kinabuhi nga makalas.

Apan dili gayud nato masumpo ang problema sa druga. Bisan unsa pa kadako ang kampanya batok niini, pabilin gayud kini nga motay-og sa katawhan, ilabina na sa mga batan-on. Bisan pa man niini, klaro nga pabor sa kagamhanan ang kampanya niini batok sa druga.

KAGAMHANAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with