^

Banat Opinyon

Mga numero sa kapakyasan

ARANGKADA - Leo Lastimosa - Banat

Sukwahi sa lahap nga pagsalikway sa Malakanyang sa mga paniid ni Bise Presidente Leni Robredo sa kampanya batok sa ilegal nga drugas, napuno ang 40 ka pahina nga taho sa mga numero nga gikan mismo sa pamunoan ni Presidente Rodrigo Duterte apan, ambot unsay hinungdan, wa nila ipasabot sa katawhan.

Pananglitan ang pangangkon sa Drug Enforcement Group sa Philippine National Police (PNP) nga tulo ka tonelada o tulo ka libo ka kilo nga shabu ang mahurot sa mga adik sa tibuok nasud matag semana; sa ato pa, 156 ka tonelada o 156,000 ka kilo matag tuig.

* * *

Gitubag ni Presidential Spokesperson Salvador Panelo ang taho ni Robredo di sa pagladlad sa mas komprehensibong mga numero—nga sayon rang makuha gikan sa PNP, Philippine Drug Enforcement Agency (PDEA) ug ubang buhatan—apan sa pakyaw nga pangugat nga malampuson ang kampanya.

Kay, matud ni Panelo, daghan ang nadakpan, daghan ang nagguba nga laboratoryo sa shabu ug daghan ang mga barangay nga nakalingkawas sa ilegal nga drugas.

* * *

Mas andam si PDEA Director General Aaron Aquino sa iyang mga numero: 40% sa mga barangay ang nahawanan sa ilegal nga drugas; nitidlom og sobra sa katunga ang kriminalidad (11,860 sa Hulyo 2016 ngadto sa 5,000 sa Hulyo 2019); ug P45 bilyones ang balor sa drugas nga nasakmit gikan sa 2016 ngadto sa 2019 sa 162,987 ka operasyon uban ang 225,284 ka dinakpan.

Mas hingpit hinuon ang mga numero ni Robredo gikan sa PDEA: 1,053 ka kilong shabu ang nasakmit niadtong 2017, 785 ka kilo niadtong 2018 ug 1,344 ka kilo hangtod sa Oktubre 2019.

* * *

Sakto si Panelo nga daghan ang shabu nga nadakpan kon ipasikad sa mga numero sa PDEA. Apan dihang gitandi ni Robredo sa kinatibuk-ang konsumo sa shabu suma sa banabana sa PNP, nabantang nga wa kaabot og 1% ang nadakpan sa kapin sa tulo ka tuig nga kampanya.

Gibanabana sa PNP nga balor og P25 bilyones ang shabu nga makonsumo matag semana, o P1.3 trilyones matag tuig.

Apan segun sa Anti-Money Laundering Council (AMLC) P1.4 bilyones ray kuwarta sa ilegal nga drugas nga nasakmit sa 2017 ug 2018.

* * *

[email protected]

NUMERO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with