Alegre na ang kadalanan
BALITAHOM - Atty. Jose Marie N. Poblete (Banat) - January 5, 2020 - 12:00am

Sa bag-ong Memorandum Circular nga giluwatan sa Department of Interior and Local Government, gidid-an na ang mga kagamhanang lokal sa paggamit sa mga kilid sa kalsada isip mga pay parking areas.  Kon mapatuman na sa hingpit ang kamanduan sa DILG, magtuyok-tuyok na lang ba unya ang mga sakyanan nga gimaneho sa bana samtang nangompra pa ang iyang asawa? Daghan unya nga bana ang makasab-an sa ilang asawa tungod sa kalangan pagkuha kanila. Alegre unya ang kadalanan!

Nanuybo daw uhong

Sa susamang kalamboan, gikataho nga ang mga vendors nga nagpalibot sa Quiapo area didto sa kaulohan nahingangha na lang sa kalit nga kamanduan nga nagdili kanila sa pagpaninda sa kadalanan agi ug pagpangandam sa Translacion sa Itom nga Nazareno.  Bisan ni’ng kabag-ohan, wala gihapon magtakdo ang kagamhanan ug katawhan sa pagsabot sa tinuod nga mensahe sa Ginoo mahitungod sa pagsimba tali sa Diyos ug sa kwarta.  Mao diay nga nanuybo daw uhong ang daghang relihiyon.  Saoonz!

May’pa ang silingan nga ungo

Gikataho nga usa ka silingan nga gidapit sa iyang higala sa salo-salo atol sa pagsugat sa bag-ong tuig, miunay ra usab pagkawat sa salapi diha sa balay sa nagdapit.  Adunay panultihon nga nag-ingon “Mas maayo pa makasilingan ug ‘wakwak’ (ungo) kay sa makasilingan og kawatan”.  Tinuod pa gayod kini gihapon hangtod karon. Kalooy sa nagdapit, nagpakaon na, gikawatan pa. Faeetz!

Wala mabag-o bisan sa kabag-ohan

Upat ka babaye gidakop sa taga-Regional Anti- Cybercrime Unit 7 (Racu) human mag-atubang og kaso nga kalapasan sa Republic Act 10175 kon Cybercrime Prevention Act of 2012 gumikan sa ilang pag-daut diha sa social media sa usa ka tindahan.  Bisan nag-upgrade na sila sa ilang pamaagi sa pagpanglibak kay nigamit na man sa Facebook, nagpabilin pa gihapon ang ilang laksot nga kinaiya. Adunay mga kinaiya nga dili gayod mausab bisan sa modernong kagamitan.  Libak pa more!

Namatay sa kagutom, dili sa kagaw

Tungod sa gihingusgan nga kampanya sa Probinsya sa Sugbo batok sa African Swine Fever, gikataho nga ang ang task force nga gitahasan sa maong kampanya naka-kumpiskar sa mokabat 3,000 ka kulo nga pork ham didto sa MCIA nga gamiton unta atol sa Pasko ug bag-ong tuig.  Wala mahisguti sa balita kon unsay gibuhat o kon diin na paingon ang nakumpiskar nga mga hamon.  Daghan pa gihapon ang nasakit ug namatay sa kagutom kay sa namatay sa ASF.  Isip-isip!

ALEGRE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with