Fruitcake
IYO ANTOY - Antolin dela Serna (Banat) - December 28, 2019 - 12:00am

Sukad pa sa akong pagka-bata, ganahan gyud kaayo ko ining fruitcake. Niadtong panahona, affordable pa kaayo ang fruitcake. Usahay gani, si Mama ray mohimo niadto. Matag Noche Buena ug sa Media Noche, duna gyuy fruitcake.

Ingonman, lakip kini sa among ipang-regalo ngadto sa among ka-banay ug kahigalaan. Apan karon, prohibitive na kaayo ang presyo sa fruitcake. Ambot ngano.

Sa mga mall igo lang kong motutok sa mga fruitcake nga ipang-display, ug mabusog na lang pud ko. At least, walay gasto.

Usa ka buotang bana, gidid-an niya ang iyang asawa pagpalit og fruitcake, gitambagan nga unya na tapus sa Pasko ug Bag-ong Tuig, kay mobarato na kini.

Sama sa mga ham, mamalit ko niini, tapus sa Pasko ug Bag-ong Tuig, kay dihay tuig nga gi-buy-one-take-one kini nila. Ambut kon mag-buy-one-take-one na ba usab sila niini karon ... at least sa Fiesta Señor.

* * *

Nabasahan usab nako sa The Freeman kining bahin sa usa ka lalake nga naglagot sa usa ka driver sa Angkas. Ngano man? Nagpaburot sa plite? Nagpahaguros og dagan? o baho’g ilok?

Wala niining tanan. None of the above. Ang iyang gikilagutan mao nga ang maong driver nahibog sa iyang uyab. Nagsige na kuno’g text ngadto sa iyang uyab, “hoping she will book his service more frequently.”

Sa iyang kalagot, iyang gipa-uninstall ang app, or perhaps gipa-block ang number sa uyab aron dili na ma-contact. Duna ra ba koy nadunggan nga sa kadugay nang nasuki ang driver sa Angkas o habalhabal, nagka-uyab na lang hinuon ang duroha.

Ok lang ni, basta, tiunay nga panaghigugmaay ang nagbugkos sa duroha. Dili dula-dula lang. Tingali unya’g minyo ang gwapo nga driver, o ang pasahero nga ni-angkas o nag-habal-habal.

* * *

Daghan na kaayong mga poste nga nituyhakaw diha sa kadagatan sa side sa Cebu City ug sa side sa Cordova, timailhan nga sa dili na madugay matukod na ang ikaupat nga taytayan nga magdugtog sa Isla sa Mactan ug Cebu City. Pangutana: Makapaluag ba kini sa nagka-grabe nga suliran sa trapiko sa Metro Cebu?

Akong tan-aw, dili kaayo, kay niadtong panahona ma-doble o ma-ikatulo na ang gidaghanon sa mga molupyo sa Metro Cebu. Ingonman mosamot kadaghan ang mga sakyanan sa kadalanan.

Sa ato pa, mas modaghan ang mangadto sa airport, ilabi na karon nga daghan nang mga direct flights gikan sa ubang kanasuran paingon sa Mactan airport.

So, kining ikatulo nga taytayan, gamay rang ikatampo pagpaluag sa trapiko, kon duna man. Gawas sa mga sumasakay sa eroplano, ang mga molupyo sa Lapu-Lapu ug Cordova anha na unya mangagi ning bag-ong taytayan. Unya, magkadaghan usab ang mga langyawng turista moduaw sa atong dakbayan.

Sugyot ni Fidel Abalos  mao nga magtukod kita’g South Harbor probably sa Minglanilla o sa Naga City to compliment sa North Harbor, ang International Port sa Tayud, Consolacion.

Is this feasible, cost-wise? Maapas pa ba kini sa “Build, Build, Build” project  sa Duterte administration?

Definitely, tungod kay mabahin-bahin na man ang kalihokan sa patigayon ug dili  na magpunsisok sa sentro sa dakbayan, ug ang movement sa katawhan mismo dili na ma-concentrated sa Cebu City alone, maka-ease kini sa dagan sa trapiko.

FRUITCAKE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with