Gugmang walay kasingkasing
JAV, BANATI! - Javier Tapulado (Banat) - December 22, 2019 - 12:00am

Niay usa ka makapahimangod nga istoryang misugat sa akong pagbalik sa trabahoan sa miaging Disyembre 12 human sa 11 ka adlawng bakasyon. Wala ko katambong sa among Christmas Party sa miaging Disyembre 9 ug wala gani makaapil sa among Employees Christmas Bingo kay conflict sa Solemnity of the Immaculate Conception of the Blessed Virgin Mary, diin maoy akong gipalabi ang pagsimba.

Matud pa sa among bartender, ang anak ulitawo sa kauban namo, 23 anyos, gipusil-patay kuno sa usa ka sakop sa Philippine Navy pagka-kaadlawon sa Disymbre 10, igo nga talihuman na among Christmas Party.

Ang inahan intawong walay tulog sanglit maoy usa sa mga misilbe sa naasoyng party, imbes maluya, gibati hinuog kadasig sagol kahingawa nga midalig adto sa dapit nahitaboan.

Guwapo ug buotan ang iyang anak hinungdan, nga nakauyab kinig medyo gulang na, pero kay adunahan, ug kaantigong manghindik, nagpabiling fresh and juicy ang beauty.

Nagkahinigugmaay ang duha. Ang problema, kay seloso ang former boyfriend sa babaye, kinsa taudtaod na niyang gibulagan. Gani, gipalitan pa sa babaye ang maong sakop sa Navy og house, lot and a car aron dili na magsamoksamok niya ug sa batan-ong gihulip, kinsa maoy nakahatag og tukmang kalipay nga hagbay ra niining gipangita.

Bag-o pa lang ilang relasiyon. Pero gitagaan na og brand new car sa babaye ang batan-on. Ug gani, maoy ilang gisakyan paingon sa condominium nga gipanag-iya sa babaye. Sanglit, naa man sa atbang ang parkinganan, gipakanaog sa batan-on ang uyab ug gipauna sa paglakaw. Dihang…

Milanog ang walo ka masipang buto nga mitusaktusak sa kalawasan sa batan-on.

Nakasiyagit pa kinig tabang. Hinungdan, nga nahapalingi ang babaye ug nabantang sa iyang panan-aw ang pamilyar nga bayhon sa maong sakop sa Navy, kinsa dali rang gilamoy sa kangitngit.

Namatay gyod ang batan-on sa ospital. Sa pagsulat niini, wala pa madakpi ang kriminal. Ang tawo nga mipakita man tuod sa iyang gugma apan walay kasingkasing nga kaantigong mosakripisyo paghatag og kagawasan sa gimahal nga wala na lamii sa iyang lasa.

Dili gugma ang naa sa kasingkasing sa lalaki. Kondili, grabeng kasina ug kahakog sa mga kalibotanong bahandi nga maoy nagtudlo niya pagsawom ngadto sa kadaotan. Buhat nga angayng likayan samtang kita may kinabuhi pa.

KASINGKASING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with