EDITORYAL - Peligrosong mga kahoy
Edwin Ian Melecio (Banat) - December 15, 2019 - 12:00am

Dako kaayo og papel sa kalikopan ang mga kahoy tungod sa limpyong hangin ug mapasilongan kun panahon sa naglagiting ang kainit sa adlaw.

Didto sa kabukiran, makapundo kini og daghang tubig nga mahimong mainom ug makapugong sa pagdahili sa yuta tungod sa kusgan kaayo niining mga ugat nga mokupot sa yutang iyang gitamnan.

Sa siyudad, importante kaayo ang matag punoan sa kahoy, tungod kapaspas sa pagugmad sa patag, ang kaniadto kalasangan sa kahoy karon nahimo nga kalasangan sa mga kongkreto nga dili makahatag og preskong hangin ug makapugong sa baha.

Gawas sa bunga, preskong hangin, mapasilongan pinuy-anan sab kini sa nagkalain-laing mga mananap sama sa mga langgam, butiki ug mga insekto.

 Mao kini ang hinungdan kun nganong daghang mga tawo, organisasyon nga nagprotehir sa kalikopan ang padayong naningkamot nga babagan ang bisan unsang mga lakang pagpuo sa mga nahibiling pipila ka lugas nga punoan sa kahoy dinhi sa siyudad. Daghan ang benepisyong makuha gikan sa mga punoan sa kahoy nga panalagsa nalang makita diha sa mga siyudad.

Apan kun ang maong mga kahoy makahatag og peligro sa katawhan mas maayo tingaling panangtangon kini samtang di pa uwahi ang tanan.

Niadtong Biyernes sa gabii, dunay labong nga punoan sa kahoy diha sa dalan P. Gomez Street sa kilid mismo sa Cebu Metropolitan Cathedral ang natumba tungod sa kakusog sa hapos sa hangin

Maayong pagkaigo sa taksi nga apil sa nag-urong sa traffic gumikan kay daghan mang mga sakyanan niadtong tungora ug gidemalas kay kini maong natungnan.

Swerte hinuon nga wala motugpa ang punoan sa mismong atop sa maong sakyanan ug wala ra maunsa ang drayber apan didto kini nitugpa sa hood sa atubangan nga pwerteng pisata.

Nasuta nga ang ugat niini wala motubo pailawom kondili migakos ra kini sa semento sa paril sa Cebu Archdiocese Museum ug tungod sa kadako na niini, ug pagsige og kabasa sa uwan wala na kapugong ang semento maong natumba.

Angay tingaling subayon sa Parks and Playgrounds sa Cebu City kining mga kahoy nga nanurok diha kilid sa mga karsada, kay kining uban gawas nga dili mamunga, peligro pa gyud.

KAHOY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with