EDITORYAL - Preparasyon sa mga atleta
EDITORYAL - Preparasyon sa mga atleta
Edwin Ian Melecio (Banat) - December 8, 2019 - 12:00am

Samtang nagkaduol na ang pagtak-op sa 30th Southeast Asian Games didto sa Luzon ug nakakamada na og daghang medalya ang Pilipinas, maayong tan-awon karon palang daan ang sunod nga sports programs para sa umaabot nga 2020 Olympics ug Asian Games sa 2022.

Ang Olympics nga himuon didto sa Tokyo, Japan karong 2020, ug ning tungora kapin 100 ka mga nasud na ang magilog sa dungog nga makabitbit og mga medalya pabalik sa ilang mga nasud gikan sa nagkalainlaing sports disciplines.

Dili tanang naka-medalya og bulawan o nakasungkit og medalya sa SEA Games maapil unya sa delegado sa Pilipinas para sa Olympics. Mao nga kinahanglang pangandaman dayon sa mga atletang salmotan sa Pilipinas didto ang ilang mga events human sa SEA Games.

Gawas sa Olympics, anaa sab ang Asian Games nga kinahanglan sab pangandaman tungod kay ning maong kompetisyon dili na limitado lang sa onse ka mga nasud nga sakop sa Southeast Asia ang makaatbang sa Pilipinas.

Ang kataposang Asian Games o Asiad gihimo didto sa Jakarta ug Palembang, Indonesia niadtong tuig 2018 ug ang sunod mahitabo didto sa Hangzhou, China sa 2022.

Ang Philippine Southeast Asian Games Organizing Committee gitaganahan og kapin P6 bilyones nga pundo alang sa 30th SEA Games alang sa preparasyon ug pagtukod og mga pasilidad.

Kining mga pasilidad ipagamit unta sa mga preparasyon sa mga atletang Pilipino alang sa umaabot pang mga kalibotanong kompetisyon.

Kay makaluluoy ang ubang mga atleta, gawas nga kuwang sila og mga trainers, wa say klarong pasilidad aron sila magbansay ug labaw sa tanan kuwang sab sa suportang pinansiyal

Usahay ang mga ginikanan sa atleta madiin-diin pangita og kwarta aron masuportahan ilang mga anak. Swerte lang sa uban nga adunahan ang ginikanan kay maka-afford sila og personal nilang trainers ug makapadala kanila sa abroad aron didto magbansay.

ATLETA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with