Bunga sa gitanom sa ulo
JAV BANATI - Javier Yntig Tapulado (Banat) - December 6, 2019 - 12:00am

Daghang single mothers nga ipanglabay lang ilang gihimugsong anak sa basurahan. Samtang daghan pong magtiayong nangandoy nga makabaton bisag usa lang.

Sama sa nahitabo ning higala kong manedyer, kinsa silang mag-asawa dugay gihatagag anak sa Ginoo. 53 anyos na god siya unya ilang bugtong anak babaye, 10 years old pa.

Hinungdan, nga ila gyod kining giagak pagtarong ug giampingan pag-ayo. Matod niya, dihang mieskuyla na kini sa Grade 2, ila na kining gitudloan unsaon sa pagdaginot.

May pagka-adunahan ang manedyer, buhong sa kinartong dulaan ang anak sa wala pa kini moeskuyla. Mao nga sa mopaingon na kining mo-Grade 2, gipa-garrage sale sa ilang subdibisyon ang tanang dulaan, diin ang kita ilang gideposito sa banko ubos sa ngalan sa bata.

Nahibulong ang magtiayon kay human nila ablihig bank account, magsige na kini nilag hatag og kuwarta nga ipadeposito sa banko.

Diay, ang gipabalong kuwarta nga ihatag nila kada adlaw, ang katunga ray gastohon. Ug ang nahabiling katunga gitigom.

Dili kay kini ray gibuhat sa bata. Nakat-on sab siyag pamaligyag chicharong baboy sa ilang eskuyahan. Sa sinugdanan, tulo pa lang. Pero matag adlaw nagkaanam kadaghan iyang klasmet nga namalit sa iyang baligya. Hangtod mga maestra natakdan sab. Mo-order na sa bata.

Taas na ang listahan nga dad-on sa bata sa ilang balay. Ug ang gamayng plastic nga sudlan sa baligyang chicharon nahimo nang dako, diin dili na madaog sa bata. Busa, napugos ang amahan nga sila na lay mohatod ini, dungan sa paghatod niya sa ilang anak kada buntag.

Unya usa ka adlaw niana, mihangyo ang anak nga mo-withdraw og gamay sa iyang bankbook kuyog ang inahan kay may paliton sa department store. Usa ka labakara ug usa ka cologne ang iyang napili. Dihang gipahibalo ang bata sa iyang Mommy nga P800 ang mabayran, daw nabug-atan ang anak. Nakaingon: “Mahala diay, Mommy, no? Pero sige lang, kay para kang Daddy bitaw nang akong gipalit.”

Wala makasabot ang higala kong manedyer sa matang sa kalipayng iyang gibati pagkadawat sa gift nga hinatag sa iyang anak. Sa hilom, nakapangutana siya: “Mao na kaha kini ang bunga sa unsay gitanom namo sa iyang ulo?” Pagkatahom nga panag-ingnan!

BUNGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with