Ibaligya ang tanan, balik ug sunod nako
JAV, BANATI! - Javier Tapulado (Banat) - November 25, 2019 - 12:00am

Mao kini ang awhag ni Hesus ngadto sa batan-ong adunahan, kinsa nangutana: “Maayong magtutudlo, unsay kinahanglang buhaton aron maangkon ko ang kinabuhing dayon?”

Nagtuo ang batan-on nga ang pagsigeg sunod sa mga sugo sa Diyos sukad niadtong bata pa siya, igo nang basehan nga makasulod sa langit.

 Apan giingnan siya ni Hesus: “May usa nga nakakulang nimo. Lakaw, ibaligya ang tanan mong kabtangan, ihatag ang halin sa mga kabos ug maangkon mo ang mga bahandi sa Langit. Unya balik nganhi ug sunod nako.”

Sa pagkadungog ini, naguol siya ug magul-anong milakaw kay dato lagi kaayo. Unya milingi si Hesus ug gisultian ang mga tinun-an: “Pagkalisod alang sa adunahan ug nagsalig sa bahandi pagsulod sa Gingharian sa Diyos.

Mas sayon pa sa kamelyo pagsulod sa lungag sa dagom kay sa datong mosulod sa Gingharian sa Diyos.”

Nganong nasulti kini ni Hesus? Tungod kay ang kamelyo, bisag unsa pa kabug-at ang ikarga sa iyang likod ug giyahan asang gusto sa sakay nga maoy subayon, tumanon gyod kini sa kamelyo.

Samtang ang tawo kang kansang kasingkasing naulipon sa kalibotanong bahandi, anugonan gayod pagtuman sa awhag nga pagbaligya niini aron iapod-apod sa mga kabos.

Dinhay pobreng biyuda, kinsa, walay kukawili nga mihulog sa iyang kataposang duha ka dako didto sa panudlanan sa templo.

Pagkakita ni Hesus sa gibuhat sa biyuda, giingnan niya ang mga tinun-an: “Sultian tamo, kining kabos nga biyuda, nakahatag sa tanan. Kay ang tanan naghatag sa ilang kaadunahan. Apan naghatag siya sa iyang kakabos. Gihalad niya ang tanan nga iyaha, ang iyang kabuhian.”

Sa mga Katolikong simbahan, daghang manimba sa adlawng Domingo.

Apan sa offertory, diyotay ray mohulog og halad ngadto sa collection bag. Nalimot, nga tanang kuwartang naa nato, tanan gikan Niya.

Ug gihimo lang tang instrumento aron kini atong ipaambit sa uban.

Unsay ikahatag sa kaparian ngadto sa nangayo nilag hinabang kon kitang magtutuo walay gihulog nga kaluoy didto sa sibot?

Sa mga kabus, nindot unta nga mahisama kita sa pobreng biyuda.

Ug sa mga dato, ka-very touching kaha, kon kamo mosanong sa awhag ni Hesus: “Ibaligya ang tanang kabtangan, ihatag ang halin sa mga kabos. Unya, balik ug sunod Nako.”

SUNOD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with