Dragon ug agta nagpuasa
LABTIK - Alan Domingo (Banat) - November 22, 2019 - 12:00am

Sa mga tigulang ilabi na didto sa probinsya uso kaayo ni ang hunsoy nga butangan sa tinustos nga tabako nga maoy ipabulhot sa ilang baba.

Mao kiniy kalingawan sa mga karaang tawo samtang nagpahuway gikan sa ilang mga umahan o kaha naandan lang gyud nila.

Ambot kun nauso pa ba kini karon, tawag ani sa uban kuwako ug tinosto kong wala ko masayop kay wala pud ko ani katilaw, nakakita lang.

Sa paglabay sa panahon nga nahimo nang moderno aw giuban sad kini nga gipasosyal lang ang dating.

Kini ang gitawag og vape nga maoy gigamit niadtong mga tawo nga mahilig sa aso o nanigarilyo nga gusto nang mag bag-o kuno. Sa sinugdanan giingong walay dautang epekto kay dili sama sa sigarilyo nga naay nicotine nga makadaut.

Ako wala man gyud ko katilaw ug sigarilyo ug labaw na niining vape busa wala koy first hand nga kasinatian pero nganong ganahan man gyud sila niini?

Aw kon mao kini ang makalipay nila ila man sad nang katungod kay sila ra man sad ang paninglan sa ilang lawas.

Karon mapugos na gyud sila sa pag puasa sa kinaham nga aso human mimando ang presidente nga idili na kini sa mga pampublikong dapit.

Gani gisugdan na sa kapolisan ang pagpanakop sa mga migamit og vape sa mga public places.

Kini human dunay usa ka teenager dinhi sa Sugbo nga nadaut ang panglawas tungod sa pag gamit og vape, hinoon gisusi pa gyud sa Department of Health kon vape lang ba ang nakaingon sa iyang health problem.

Ang paghigpit sa pag gamit sa vape basin og sabay sa uso lang ni nga dunay issue apan inig mabugnaw na aw balik ra sa dating gawi.

Ang sigarilyo bitaw nga naa gyuy balaod nga nagdili sa pag gamit sa public area, naa pa ganiy mga lokal nga ordinansa wala man gihapon mapatuman.

Atangan nalang nato unsay gama niining sugo sa presidente, Karon nga init pa puasa lang sa ang mga dragon ug agta sa pagpabulhot sa aso.

DRAGON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with