Pamutlon o dili pamutlon?
Machete Sioux (Banat) - October 21, 2019 - 12:00am

Makaingon ta nga nabahin gyud ang katawhan pagabot sa hisgutanan nga pamutlon ang mga karaan ug mga bag-ong punoan sa mga kahoy diha sa kilid sa mga karsada tungod sa himuong road widening ug paghimo og drainage system. Makasabot ta sa ilang gibati kay sa ilang tan-awon mas makabenepisyo ang katawhan sa kun unsa ilang baruganan.

Sa mga pabor nga putlon ang mga kahoy daplin sa dalan ilabi na kadtong naa sa mga national highways dinhi sa Sugbo ug bisan sa mga dagkong kadalanan sa Metro Cebu, may punto sila nga alang sa kaluwasan sa mga motorista ang rason.

Tinuod usa sa mga concerns sa mga motorista kining mga kahoy nga wala pamutla nga naa mismo sa kongkretong karsada. Delikado kaayo kun ang drayber dili makabantay ug masampak sa maong mga punoan sa kahoy.

Gawas pa, kinahanglan na gyud ang road widening tungod sa nagkadaghang mga sakyanan.

Gawas pa sab sa road widening, duna pay mga kanal nga kinahanglang buhaton o padak-an kay di baya ikalimod nga kun mouwan mura naman og dagkong sapa ang mga karsada kay anha naman magsubay ang tubig sa baha nga hasol kaayo sa tanan.

Sa kadtong dili gustong pamutlon ang mga kahoy tungod ba kaha sa sentimental value niini (ilabi na kadtong mga acacia gikan sa Naga City hangtud didto sa Carcar City) maayo sab silang paminawon.

Gawas pa niana, ang kahoy makatabang kaayo sa pagpugong sa polusyon ug makahatag og preskong hangin ug daghan sab mga mananap nga nabuhi sa mga sanga, dahon, ug bunga niini. Matud pa nga ang usa ka punoan sa kahoy mahimong isipon nga usa ka habitat o  puloy-anan. Dili tingali sa tawo apan sa ubang mga mananap nga nagsalig niini.  Apan kinahanglang makat-on ang mga tawo pag-identify unya makaayo sa kadaghanan ug dili lang sa personal nilang katuyoan. Kun gikinahanglang putlon, angay gyung putlon. Kun dili kinahanglang putlon , angay kining ipabilin.

PAMUTLON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with