Kuwang imong pagtuo?
MGA LAMAS SA KINABUHI - Fr. Rey Cui (Banat) - September 17, 2019 - 12:00am

Kini maoy giingon sa nangankon nga siya visionary didto sa among malinawong Sogod. Kini tungod kay nangangkon siya nga daghang mga relihiyosong simbolo nga makita sa may pangpang mao nga kapilya nga gamay gitukod didto. May dagkotanan ug may gamay nga mga imahen sa nagkadaiyang mga santos.

Sa bag-o pa ang maong hitabo daghan uyamot ang nagkapundok didto apan sa kadugayan ang maong phenomenon nahanaw lamang daw bula ug wa na gyud igdungog pa ang masugid ang mga sulugilanon nga napatik sa handurawan niya kang kansang panan-aw ug pagbati gigamhan sa gahom sa Ginebra. Mao nga bugtong mga utanon ug ilimnon na lamang ang bugtong saksi sa nagun-ob nga tigbayon sa pagtuo nga giukit sa pansilon nga bukid sa kawalay kapaingnan.

Bitaw daghan natong mga tawo ang mangita gyud og mga butang milagroso mao nga dali ra gyud alang nato ang mamahimong mogambalay og mga sulugilanon aron makakagiw sa mapait nga kahimtang sa kinabuhi. Apan subo lang palandungon nga daghang mga tawo ang nipahimulos ning maong panginahanglan. Bisan pa man kun dili tinuod ug dili husto ilang gisakyan ang bisan unsa nga naandan aron sila mabulahan. Imbes tudloan ang mga tawo, ila naman hinuong giyahan aron sa ingon mahisalaag pagsamot gikan sa dulom nga gumonhap sa tawhanong tinguha nga malamdagan.

Pagtuo nga kutob lamang sa pangadye ug wala gani makatidlom sa maampoong kinabuhi nga gihimo sa uban ingon nga panginabuhi….ug mahimong pasagdan nga molipang tungod sa lingin nga hinungdan. Mao nga kun bisan pag makita nga sayop ang tanan gipaundayonan ambot ug sa unsang pagkaunsaa nahimong daw sa nahimong idlas ang bisan unsang lohikal labina kun makigharong kini sa pinansiyal.

Mas maayo pa ang Romanhong Opisyal human makita niya ang iyang pagka dili takus nga mopadayon kang Jesus sa iyang balay aron ayohon ang iyang sulugoon ang nagkanayon: “Dili ako takus nga mopadayon kanimo sa akong balay, sulti Ginoo ug ang akong sulugoon mamaayo!” ug  kun unsay nakapahimo sa imahen nga milagroso o milagrosa, dili ang iyang pagtibi ug pagsayaw nunot sa salimuang sa tigpasiugda kondili tungod sa makapausab nga mensahe nga ilang dala alang natong nia pa sa yuta. 

Gikuptan ko ang santos nga rosaryohan ug sa hilom giyamyam ang mga pagpasidungog sa mahal nga inahan ug murag dili kaayo maapektuhan bisan pa og adunay dancing sun!

VISIONARY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with