_banat
^

Happy trip to Heaven, Teban

JAV BANATI - Javier Yntig Tapulado (Banat) - August 30, 2019 - 12:00am

Sikat kaayo ang dramang ‘Ang Manok ni San Pedro’ nga gibidahan ni Julian Daan (aka: Esteban ‘Teban’ Escudero nga gipalupad sa kahanginan pinaagi sa AM radio station DYHP sugod niadtong Tuig 1976, diin radyo ra ang gitener sa kadaghanan, sanglit diyutay ra  ang maka-afford pagpalit og TV set.

Ang makapanag-iyag telebisyon kaniadto, ilhon na sa mga silingan nga dato. Akong naobserbaran nga pag-abot sa alas 7:00 sa gabii, magtapok gyod sa mga balayng  naay radyo ang mga tawo nga naadik nag paminaw sa ‘Ang Manok ni San Pedro’, diin maglanoglanog sa gawas ang full volume sa mga radyo nga masapawan lang sa mga hugyaw sa bahakhak ug katawa nga mas molabaw pa kalanog sa radyo pagbuto sa mga sunodsunod nga pasiaw ni Esteban Escudero.

Dili tanang sabongero lang ang naungo pagsigeg sunod sa maong drama. Gikan sa bata ngadto sa tigulang, mga empleyado sa pribado ug pampublikong buhatan, mga trabahante sa gagmay hangtod na sa dagkong tindahan, lakip na ang tag-iya, sila mo-tune in gyod pag-abot sa dramang ‘Ang Manok ni San Pedro’ kay pulos naghinamhinam kon unsaon na pod sila sa pagpakatawa ni Teban.

Bisan asa ka mosum-ok sa maong oras, mabati gyod nimo ang makalingawng tuktugaok sa ‘Manok ni San Pedro’ dungan ang daw walay hunong nga agik-agik sa nagkatapok nga naminaw, kinsa matud pa sa usa ka construction worker: “Ang boses ni Teban makawagtang sa among kakapoy. Makatambal sa among pamaol.”

Kini nagpasabot lang, nga daghang kinabuhi ang gitandog ni Teban. Misamot pa kini paglipang dihang gikan sa pagka dramaturgo, script writer, director ug artista sa pelikula, gisudlan pa gyod niya ang kalibotan sa politika, diin pagkahimo na niyang konsehal ug Provincial Board member sulod sa daghang katuigan, iyang gibuhos ang kinatibuk-ang gugma sa iyang kasingkasing ngadto sa tanang katawhan.

Kutob sa mga tawo nga misulti bahin sa kinaiya ni Julian Daan-Esteban Escudero wala gyoy misaway. Pulos miingon, nga si Teban, buotan, mapaubsanon, manggiluy-on, matinabangon ug mahigugmaon sa Diyos ug sa iyang isigkatawo, sama sa iyang kaugalingon. Mga bulawanong hiyas nga nakahatag niyag dakong luna didto sa langit.

Teban, gikalipay sa Ginoo ang imong gihimo. Happy trip to Heaven.

TEBAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with