Matag gutlo
GIKAN SA TSIRMAN - Dr. Jose "Dodong" R. Gullas (Banat) - August 18, 2019 - 12:00am

May kamatuoran ang panultihong nagpakabuhi kita matag gutlo. Dunay panahon para sa tanan, gutlo sa pagkatawo, kamatayon, kasub-anan, ug kalipay. Kanunay gyud nakong pahinumdoman ang faculty members ug non-teaching staff, nga kinahanglang ilang ampingan ang matag gutlo sama sa pagamping sa usa ka gasa gikan sa Kahitas-an, kay paglabay sa pipila segundo panumdoman nalang ug ugma damgo nalang.

Sama sa tapoktapok sa mga Visayanians atoll sa Grand Alumni Homecoming (GAHOM) niadtong Hulyo 29, ang Madszaulog,” Magsaulog sa Awit ug Panaghigalaay”, usa ka Back to back Concert sa University of the Visayas Chorale ug sa Philippine Madrigal Singers uban ni choirmaster, Mark Anthony A. Carpio nga mahitabo karong gabii sa Center Stage sa SM Seaside posibleng di na mausab pa.

Mibalik sa akong panumdoman ang kagahapon, mga adlaw nga Sabado samtang naminaw ako sa mga sakop ni Lola Ande manukar og mga musikang Cebuano, mga gutlo nga nakapalipay kanako. Duna say musika sa amoa, mahiligon sab sa musika ni Mama Pining ug maayong piyanista. Kanunay siyang mopatukar sa akong paboritong Handurawan (Imagination). Ang akong iyaan nga si Tiya Lording maayo sab nga piyanista sa among pamilya. Kining duha akong tan-aw maoy nakaimpluwensya sa akong hilig sa musika. Ang akong igsuon nga si Eddie hanas sab sa violin ug ako nagtuon sab og piano.

Kaming duha sa akong kapikas nga si Nena mahinangpon pagdawat kanila  ni Mr. Mark Anthony Carpio, Ms. Claudette Margarita Galua, Manager ug pipila ka sakop sa Philippine Madrigal Singers’ niadtong Biyernes diha sa akong opisina. Dako among pasalamat nga nahitabo gyud kini nga konsiyerto. Sa makausa pa, akong gidapit ang tanang Visayanians, mga Sugboanong mahiligon sa musika sa pagsaksi sa kolaborasyon sa duha ka bantogang mga grupo sa musika  karong gabii sa alas 7:30 pm sae Centerstage sa SM Seaside.

Espesyal kining gabhiuna nga mopasundayag usab sa 38 ka piyesa sa JRG Visayanian Halad Orchestra nga pangulohan sa Sugboanong       Maestro nga si Reynaldo Abellana.

Among giampo ang kalamposan para sa mga Visayanians ug sa tanang Cebuanos nga ampingan ug di kalimtan kining talagsaong panaguban sa duha ka world class performers nga garbo sa nasud.

GUTLO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with