Gahom UV Grand Alumni Homecoming 2019
GIKAN SA TSIRMAN - Dr. Jose "Dodong" R. Gullas (Banat) - July 28, 2019 - 12:00am

Ang University of the Visayas nga nagselebrar karon sa ika- 100 nga kasumaran niini karong tuiga gipaabot nga malakip unya sa gitawag og  100 years club, mao ang panimalay sa gugma ug pangalagad sa katawhan.

Akong gipaabot ang mainiton nga pagbati sa mga lunlong Visayanians niining pagsaulog sa atong Grand Alumni Homecoming (GAHOM) nga nagdala sa temang, UV: A Century of Love and Service.

Ang mga Visayanians gikan nagkadaiyang bahin sa kalibotan maguban sa UV quadrangle alang sa himuong barrio fiesta theme get-together karong adlawa, Domingo, Hulyo 28, 2019 ug ugma,  Lunes,  Hulyo 29, 2019 a;amh sa formal gathering and awarding sa mga most outstanding alumni gikan sa nagkadaiyang propesyon. Kini pagahimuon sa Grand Ballroom of Marco Polo Hotel.

Di nako makalimtan ang mga nanglabay nga katuigan. Ang akong amahan nga si Don Vicente “Papa Inting” ug akong inahan nga si Josefina, “Inday Pining” Rivera-Gullas nga maoy nagtukod sa UV, parehong mapahiubsanon, tawhanon ug manggiluluy-on ilabi na sa mga kabus.Si  Papa Inting abogado apan sa iyang kasingkasing usa siya ka magtutudlo. Si Mama Pining alagad sa Kahitas-an ug ni Mama Maria.  Mura og kagahapon lang nitaliwan si Papa Inting niadtong dekada 70, si Eddie bagito pa sa politika unang distrito sa Sugbo, ug sa dihang si Mama Pining misunod kaniya niadtong 1984, si Eddie nahimong gobernador sa probinsya.

Kadtong mga panahona, nakaingon ko nga kaming ikaduhang henerasyon sa mga Gullas, among igsuong siInday Sering, Eddie, ug among igsuong si Inday Teresing kinsa masuso pa dihang gikuha sa Kahitas-an, matawag ng mga “ilo- tapus”. Kinasingkasing nakong gituman ang direksyon ug legasya nilang  Papa and Mama “producing kings and queens who shall not wear crowns but are royals just the same.”

Dihay higayon nga klaro pa sa akong panumdoman sa dihang giingnan ko ni Mama Pining, “Dodong, the instant that you decide to join public service like Eddie, will probably be the time that I will let go of UV.”  Nibalik kadto sa akong panumdoman sa dihang  gihangyo ko ni Eddie pagdagan sa pagka-kongresista sa unang distrito kay kataposan na niyang termino. Nakurat gyud ko, basin nagkomedya ra siya. Wala sa akong hunahuna ang politika kay gitutokan nako ang pagpadagan sa UV. Nangayo ko niya og walo ka adlaw aron hunahunaon ang pasidaan ni Mama Pining kanako kun mosulod ko sa politika.  Matud niya, kun kini mahitabo iyang ibaligya ang unibersida.  Ang akong pagtahod kang Mama Pining nagpabilin. Giduaw nako ang iyang lubong aron mangayo og kaalam ug giya.

Gani nabutang pa gyud sa akong hunahuna , unsa kaha kun mapildi ko. Unsa sab kaha akong buhaton kun modaog ko, unsaon nako pagbahin akong oras aron maatiman ang legasiya nilang Papa ug Mama samtang nagalagad ako sa mga konstituwente. Sa kataposan, si Eddie maoy natuman ug midaog ko sa eleksyon.

Doble akong paningkamot, ang unibersidad ug ang distrito ug pagtambong sa mga sesyon sa kongreso sa Manila. Gikinahanglan nakong hatagan og ginbuhaton ang mga Deans matag semana kay nabalaka ako sa  accreditations sa daghang academic programs nga gitinguha sa UV nga ang inspirasyon mao ang akong idolo nga si Dr. Felicidad Reyes sa PACU-COA.  Dili ko gusto magkompiyansa lang ang mga Deans mao nga gikinahanglan magpabilin ang high educational standards.

Kay daan naman kong nipasidaan nga usa ra gyud ka termino, naghunahuna ko og mabuhat nga malungtaron dili lang sa mga konstituwente. Ug mao kini ang pag-regionalized sa pagkuha og sweldo sa mga magtutudlo sa publikong mga tunghaan. Tingali, gigiyahan sab ta sa Espiritu Santo natuman kini. Karon di na maglisod ang mga magtutudlo pagkobra sa ilang sweldo nga kaniadto sa Manila lang makuha.

Tungason ang pagpasar sa House Bill 2542 gani natanggong gyud kini diha sa Senado og hapit usa ka tuig kay daghang dili gusto. Apan ang Visayanian motto maoy akong mahinumdoman kanunay, “Visayanians fight best when the odds are greatest.”   Mao nay giingon ni Papa Inting “if you have good intentions, the Lord will always answer your prayers.” Tuod man, si kanhi Presidente Gloria Macapagal Arroya nitambong sa launching sa unang regional payroll office sa DECS-Cebu niadtong Hunyo 22, 2004.

Gani iya kining nahisgotan sa usa sa iyang mga State of the Nation Addresses. Mao nga dako kaayo akong pagpasalamat nga nabuhat nako akong misyon ug tunga sa milyon ka mga public school teachers ug non-teaching personnel sa nasud ang nakabenepisyoy. Si Mama Pining miingon “gratefulness springs from the memory of the heart”.

Sa pagselebrar nato sa  ika-100 kasumaran sa UV, tingali kaming mga ikaduhang henerasyon sa mga Gullas magtan-aw nalang kung unsa among nabuhat dalang panghinaut nga karong mga panahona dili lang silang Papa Inting ug Mama Pining kondili lakip na tanang Visayanians nga nagkatag sa kalibotan, nagmalipayon ug mapasigarbuhon. Apan ang Ginoo lang ang nasayod.

UV GRAND ALUMNI HOMECOMING 2019
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with