Ayaw tawon iparehas
TINGOG SA KATAWHAN - Atty. Jose Marie N. Poblete (Banat) - July 18, 2019 - 12:00am

Ang mga kawani sa Bureau of Customs gikataho nga wala masayod sa laraw sa paghimo sa ilang buhatan nga museo.  Sa dihang gibalik kanila ang maong edipisyo human kini ideklarar nga Malacañang sa Sugbo, gi-ayo ug gipaanindot nila ang maong buhatan.  Kon papahawaon na sila, dili ba kaha nila kuhaon ang mga butang ug mejoras nga ilang gitaod sama sa nahitabo sa Cebu City Hall? Dili lang pud unta!

Lain nga hinungdan

Ang sunog sa Purok Ube sa Barangay Gun-ob, Lapu-Lapu City kaniadtong Hulyo 13, 2019 nga mipaugdaw sa gibana-bana nga 200 ka mga balay gituohan nga binuhatan sa usa ka arsonista.  Lahi kini sa mga sunog sa nangagi nga panahon diin ang gitumbok kanunay nga hinungdan mao si “faulty electrical wiring.”  Tungod niini, nabalaka na ang katawhan kay wala pa gani kuno madakpi sa awtoridad si “Faulty Electrical Wiring,” anaa na usab mitumaw nga laing kriminal nga ginganlan ug “Arsonista”. Saoonz!!!

Lulubog, lilitaw

Naglaraw si Mayor Labella nga buhion pagbalik ang nasugdan na, apan naundang, nga Carbon Unit 2 Building Project.  Mahinumduman nga nasunog ang maong lugar ug gisugdan kini pagpatukod pagbalik sa administrasyon ni kanhi Mayor Rama, lamang gipaundang kini sa dihang napulihan siya ni Tomas Osmeña isip mayor.  Naglaum na ang taga-Carbon nga niining higayona dili na unta mahisama ang maong proyekto sa mga titik sa awit ni Freddie Aguilar nga nagkanayon: “LULUBOG, LILITAW, ang buwan at araw”.  Hinaut pa unta!

Mobawos gani ang binugha

Kanhi Chief Justice Sereno mipadayag sa iyang laraw nga mosalmot sa protesta nga pagabuhaton unya sa mga progresibong organisasyon karong Hulyo 22, 2019, atol unya sa SONA sa Presidente. Dili ikahibulong ang pagabuhaton unya sa kanhi Chief Justice. Manaway man gani ang uban sa Presidente, bisan naa pa sila sulod sa gobyerno, unsa na kaha kadtong mga napalagpot sa katungdanan. Sa panultihon pa, “Mobawos man gani ang binugha!”

Bag-ohon ang prangkisa

Ang LTFRB mipasalig sa mga sumasakay nga sa umaabot nga Hulyo 1, 2020, wala na’y makita nga karaan nga jeepney sa kadalanan kay hingpit na nilang ipatuman ang gilaraw nga PUV Modernization Plan.  Apan miangkon ang LTFRB nga sa pagkakaron, aduna lama’y 4,000 ka mga modernong jeepney nga nag-operate, layo ra kaayo sa gitumong  nga 17,000 ka jeepney nga padaganon sa tibuok nasud.  Sayon ra kab-uton ang maong tumong: Ihikling lang ang daan ug dayon hatagan ug bag-o nga prangkisa ang mga jeepney. Sa ingon bag-o  na ang mga jeepney KON BASEHAN ANG RECORD. Pagkatoytoy!!!

TAWON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with