Ang the Big One
MGA LAMAS SA KINABUHI - Fr. Rey Cui (Banat) - July 12, 2019 - 12:00am

Gikumpirma gyud sa PHIVOLCS nga mahimong molihok na ang West Valley Fault anytime soon. Sa tinuod lang mahimong magyaga yaga ta og mga hugot kalabot ning linog kana kun wala pa siya moabot apan kun ugaling siya moabot na unsaon na lang tingali ang tanan.

Mao na tingali nang mga higayona nga maglitaniya kita sa daghang mga santos aron makalikay sa segurong kamatayon.

Hinog na gyud tingali kaayo ang maong fault line ug niabot na ang adlaw sa iyang pagpaningil.

Sa atong bahin wala kitay mahimo gawas sa pagpangandam lang sa iyang pag-abot pinaagi sa mga earthquake drills ug uban pang pagpangandam kay bisan unsaon pa nato dili gyud ta kapugong kun kini na ang mahitabo.

Bisan unsaon molinog lang sa gihapon kay normal lamang kini nga bahin sa atong kalibutanong lihok.

Ang mahinungdanon atong himoon kining mosunod:

1 Una, dawata ang matuod nga kabahin kita sa kinatibuk-ang uniberso. Mao nga angay lamang nga motuman kita sa mando ug balaod niini.

2. Ikaduha, ang linog nagpahinumdom kanato nga ang kinaiyahan dunay gahom sa pagbawos. Kun unsa ang atong gihimo ngadto niya mao usab ang mahimo batok kanato.

3. Ikatulo ang linog mahimong mosimbolo sa atong kahaguka labina kun maghisgot kita og mga desisyon sa atong kinabuhi. Mao nga matag panaw tay-og gyud kayo.

4. Ikaupat ang linog nipahinumdom kanato nga matag adlaw bisan unsay mahitabo angayan lamang kitang mangandam. Dunay mga butang nga mapugngan apan dunay mga butang nga angayan lamang dawaton.

5. Ang ikalima mao nga ang mga katalagman dili nato himoong hinungdan aron dili kita magmalipayon. Mubo ra ang kinabuhi busa maglipay kita niini. Ang mga sekreto mao kining mosunod:

a. Ayaw pagdumot, hinunoa paghigugma sa hilabihan.

b. Ayaw kaguol o kabalaka hinunoa pagsaulog sa kinabuhi.

c.  Paghatag kaysa pagdawat lamang.

d. Ug labaw sa tanan, paghatag sa imong panalangin ngadto sa uban pinaagi sa paghimo sa imong kaugalingon ingon nga panalangin ngadto kanila ning paagiha malipay ka. Malipay usab sila.

BIG ONE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with