Maayo unta kun madayon
SAKSAK SINAGOL - Lucky Malicay (Banat) - July 10, 2019 - 12:00am

Mosutoy na kaha sa katapusan ang dugay rang gipaabot nga kaugmaran sa modernong klase sa pangpublikong transportasyon sa probinsiya sa Sugbo niining naghinapos nga tulo ka tuig sa administrasyon ni Rodrigo Duterte?

Daghan ang naghandom nga matuman na gayud ang maong proyekto, ilabina nga gipaningkamotan kini karon sa mga ahensiya sa kagamhanan.

Hagbay ra usab nga miduso mismo si Duterte niini ilalum sa iyang Build, Build Build program.

Kaniadtong Sabado mihimo og inspeksiyon si Department of Transportation Secretary Arturo Tugade sa mga rota diin moagi ang Integrated Intermodal Transport System (IITS) dinhi sa dakbayan sa Sugbo.

Ang IITS nga ipatuman sa Metro Cebu naglangkob sa monorail, cable car ug bus rapid transit.

Sa ato pa, dili lamang usa ka sistema sa mass transportation ang tukoron dinhi kondili tulo ug nga magkumboya ang ilang operasyon.

Lakip sa team nga mihimo og pakisusi aron mapadali ang maong proyekto mao si Presidential Adviser for the Visayas Michael Dino ug mga representante gikan sa World Bank ug sa ubang mga stakeholder.

Hinuon, gipasalig ni Dino ug Tugade nga mapatuman gayud kining maong proyekto ilalum sa administrasyong Duterte.

Anaa na kuno kini pundo ug dili madugay magsugod na ang unang phase sa maong proyekto.

Manghinaut lamang kitang mga Sugboanon nga madayon na gayud kining maong proyekto.

Dugay na kaayo giduso ang light rail transit, BRT ug uban pang klase sa mass transportasyon apan wala gyuy usa nila nga miarangkada.

Bisan ako hagbay rang nagduda kun madayon ba gayud kining modernisasyon sa atong public transport dinhi sa Sugbo.

Kini gumikan kay akong namatikdan nga sa nanglabay nga katuigan, wala gayud nagkasinabot ang atong mga lokal nga lideres kun unsa gayud nga sistema ang angay nga ipatuman dinhi.

Hangtud na di pa sugdan pagbugwal ang pundasyan sa unsa mang klase sa pangpublikong transportasyon dinhi sa Sugbo, adunay mga sektor nga pabiling negatibo ang panghunahuna sa maong proyekto. Ato lamang atangan.

MADAYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with