Ug sa dihang nahanaw ang kadasig
MGA LAMAS SA KINABUHI - Fr. Rey Cui (Banat) - July 10, 2019 - 12:00am

Matag adlaw ug matag bag-ong anib sa kinabuhi kahigayonan aron magmadasigon.

Apan dunay mga higayon nga mas maayo pang dili na lang nimo gambalayon pa ang mekanismo sa kalipay kun makab-ot mo lamang ang pagminatay ug pagbakho.

Daw nahimong diyes panas ang kadulom sa gibating kahinam.

Nahulipan kini og kasuko ug pagduda. Normal lamang kini nga bation sa matag tawo.

Asa man ang Diosnong paggiya kun ang matag tawo nga himamaton nahimo naman nuong kaaway sa mithi.

Nahimong lad-ang ang tanan ug kun kini gani ang mamahimong lad-ang unsaon pa man pagpabalik sa kalami niini?

Daw sa natay-og ang kasamdan sa dihang madungog ang mga komentaryo nga kanimo mipasiuna.

Gihatagan ka og marka sibo sa ilang panahom tingali maoy ilang binuhatan.

Ang tawo kang kansang binuhatan dautan maoy nakapahimo kaniya nga magduda.

Mahimong maghuot man tuod ang dughan gumikan sa maong mga negatibong pagbanhig sa imong reputasyon, apan ang bugtong paagi sa pag-atbang niini mao man ang paghimo kun unsay giisip mong husto ug praktikal.

Makapahugno man tuod ang mga pasiunang tabitabi ug lupadlupad nga balita kalabot sa imong pagkatawo.

Sa mga higayon nga sama niini bation mo nga mas maayo pang mouk-ok na lang sa daplin aron mamahimong luwas ka gikan sa mga balhiboon og dila. Kahilom.

Ning maong kahilom gihinayhinay og hagpat ang kasinatian nga gibalibaran.

Gianinaw ang mga mahimong hinungdan sa maong pagyubit. Mayubiton kaayo ang kalibutan ingon man ang katawhan.

Mayubiton sila aron tagoan ang ilang kahuyangan.

Motulo man tuod ang mga luha sa pagbakho apan kinahanglang mopadayon ang kinabuhi bisan pa man kun dunay mga higayon nga unayon ka lang sa mga tawo nga giisip mong kasaligan. Ingon ini gyud tingali ang kinabuhi nga pinari.

Ang kadasig nga kanhiay nibathay inanay nga namatay.

Apan human tingali sa kamatayon anaa ang kabanhawan ug kun si kinsa man ang mobanhaw niini angayan lamang nga ato kining dasigon nga kita usab sa kanunay pagadasigon sa gihapon.

KADASIG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with