Hasta Kapa members dakpon?
JAV BANATI - Javier Yntig Tapulado (Banat) - June 21, 2019 - 12:00am

Matud pa sa Insek kong higala, ‘Religion is the greatest business all over the world.’ Kutob kuno sa giilang lider o pastor sa liboan o minilyong sumusunod nga nadani o nakombinse sa ilang pagpanudlo sa mga pulong sa Diyos base sa unsay nasulat sa bibliya, nahimong mga sapian.

 “Mao nga…” Apas-sumpay niya, “kon gusto kang magdato, Jav, pagtukod og kaugalingong relihiyon.” Niini pa nga puwerting agik-ikag katawa.

Iya man gong gihimong ehemplo sila si Pastor Apollo Quiboloy, Pastor Joel Apolinario ug uban pa, kinsa pulos namilyonariyo gumikan sa ilang gidalang relihiyon.

“Dili ko belib nila, Boss! Kay ang tinuod nga alagad sa Diyos, dili gyod magpabuhong sa daghang salapi. Gani, miingon si Hesus sa iyang mga tinun-an, nga kon kamo mangalagad sa katawhan, kinahanglang walay magdalag bag, sinina, sandalyas, pagkaon o uban pa, gawas sa unsay tapot lamang sa inyong lawas. Kay kon asa ang kasingkasing, atua sab ang gugma.” Kinasingkasing kong pahayag.

Meaning, kon diha sa imong pagpangalagad nakaani kag binilyong salapi, sagad, ang tawo adto na mahigugma sa salapi ug makalimot na sa Ginoo. Kay siya na man ang magpaka-Ginoo-Ginoo.

Niining bag-o nagkatinubagay sila si Pastor Quiboloy ug Pastor Apolinario sa social media tungod sa Kabos Padatoon Ministry issue nga nakontrobersiyal.

Matud pang Quiboloy nga sayop kuno ang pamaagi ni Apolinario sa iyang pagdumala sa Kapa members. Kay imbes tudloan sa mga pulong sa Ginoo nga mogiya-hatag nilag  kaluwasan, gitudloan hinuog panguwarta.

Mitubag si Apolinario: “Mas makauulaw ang gihimo ni Quiboloy. Kay nagsalig lang sa pagpangolektag kuwarta sa iyang ginsakpan, diin siya ray naadunahan. Haiy nindot:  ang relihiyon nga manghatag og kuwarta, o ang relihiyon nga magsigeg pangolekta?”

Nadunggan ni Pres. Duterte kining isyuha. Dihadiha, giorderan dayon ang puwersa sa kapolisan nga ipasira ang tanang outlet nga iyaha sa Kapa ug ipadakop ang lider. Kay kuno usa kini ka dakong pagpangilad. Ang pait, kay hasta miyembro nga naa sa listahan, ipadakop sab. Hala, kaluoy sa?

Tiaw bay, tungod sa pagpasira niini, daghang investors ang dili na maulian sa ilang gipundo. Unya, ipadakop pa? Aduna gyoy lolong namatay kay giatake sa hayblad human sa maong closure order. Pastilan, makatarunganon pa kaha kini?

APOLLO QUIBOLOY JOEL APOLINARIO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with